ఫిదా సినిమా సక్సెస్ తర్వాత వరుస ఆఫర్లతో దూసుకెళ్తుంది సాయిపల్లవి. బ్యాక్ టు బ్యాక్ సినిమాలతో బిజీగా ఉన్న ఈ ప్రేమమ్ బ్యూటీ తెలుగులోనే కాదు .. తమిళంలోను ఆమెను వెతుక్కుంటూ అవకాశాలు వస్తున్నాయి. అలా తాజాగా ఆమె సూర్య సినిమాకి సైన్ చేసిన సంగతి తెలిసిందే. ఈ విషయం గురించి తాజాగా సాయిపల్లవి మాట్లాడుతూ .. " సూర్య నా ఫేవరేట్ హీరో .. ఆయన నటనంటే నాకు చాలా ఇష్టం. 'కాక్క కాక్క' సినిమా చేసిన దగ్గర నుంచి నేను ఆయన అభిమానిగా మారిపోయాను. ఆయనతో కలిసి ఒక సినిమా చేసినా చాలు అనుకుంటూ కలలు కనే దానిని. అయితే అది త్వరగా నెరవేరదనే అనుకున్నాను. కానీ సెల్వరాఘవన్ దర్శకత్వంలో సూర్య సరసన నటించే ఛాన్స్ వచ్చింది. ఇది నిజంగా నా అదృష్టం .. నా కల నెరవేరినందుకు ఆనందంగా వుంది" అంటూ చెప్పుకొచ్చింది.