భారత కుర్రాళ్లు ఐసీసీ అండర్ -19 ప్రపంచకప్ విజేతలుగా నిలవడంతో చీఫ్ కోచ్ రాహుల్ ద్రావిడ్ పొంగిపోతున్నారు. తొలి మ్యాచ్ నుంచి ఫైనల్స్ వరకూ తమ కుర్రాళ్లు స్థాయికి తగ్గట్టుగా ఆడారని నాణ్యమైన శిక్షణ సిబ్బంది శ్రమ కూడా ఈ అసాధారణ విజయానికి కారణమని ద్రావిడ్ చెప్పారు. గత ప్రపంచకప్ లో ద్రావిడ్ కోచ్ గా రన్నరప్ స్థానం సాధించిన భారత్ ఈసారి మాత్రం ఏకంగా ప్రపంచ చాంపియన్ గా నిలవడం విశేషం.