అనుష్క (స్వీటీ) నటించిన 'భాగమతి' సినిమా టీజర్ ఈ రోజు విడుదలైంది. థ్రిల్లింగ్ విజువల్స్ తో రూపొందించిన భాగమతి టీజర్ కు మంచి రెస్పాన్స్ వస్తోంది. పలు సినీ ప్రముఖులు అనుష్క పాత్రల ఎంపికపై ప్రశంసలు కురిపిస్తున్నారు. ఈ సందర్భంగా యంగ్ రెబల్ స్టార్ ప్రభాస్ ఫేస్ బుక్ ద్వారా స్పందించాడు. అనుష్కపై ప్రశంసలు కురిపించాడు. "ప్రతి సినిమాలో కొత్తగా కనిపించేందుకు అనుష్క ప్రయత్నిస్తూనే ఉంటుంది. గుడ్ లక్ స్వీటీ. గుడ్ లక్ యూవీ క్రియేషన్స్" అంటూ ఫేస్ బుక్ లో పోస్ట్ చేశాడు. దీంతోపాటు 'భాగమతి' టీజర్ ను కూడా అప్ లోడ్ చేశాడు.