తెలుగే రాని పోలెండ్ బుడ్డోడు... 'కొడకా కోటేశ్వర్రావూ' అంటూ ఇరగదీస్తున్న వీడియో!

పవన్ స్టార్ పవన్ కల్యాణ్ పాటకు తెలుగువారే కాదు.. పోలండ్‌కు చెందిన ఓ పదేళ్ల కుర్రోడు కూడా ఫిదా అయిపోయాడు. తెలుగు భాషే తెలియని ఆ కుర్రాడు పవన్ పాడిన ‘కొడకా కోటేశ్వర్రావూ’ పాటను ఎక్కడా తప్పులు లేకుండా తెలుగులో చక్కగా పాడేస్తున్నాడు. పోలండ్‌కు చెందిన జిబిగ్స్ అలియాస్ బుజ్జి అనే పదేళ్ల కుర్రోడు పవన్ పాటను పాడి ఔరా.. అనిపించుకుంటున్నాడు. ఇప్పుడు ఆ వీడియో నెట్టింట్లో హల్‌చల్ చేస్తోంది.

"హే పవర్ స్టార్... యువర్ 'కొడకా...'సాంగ్ ఈజ్ ఎలక్ట్రిఫయ్యింగ్. దిసీజ్ మై గిఫ్ట్ టూ యూ" అని చెప్పి... "కొడకా కోటేశ్వర్రావూ ఖరుచైపోతవురో..." అంటూ పాటందుకున్నాడు. అతను పాడిన పాట ఇప్పుడు వైరల్ అవుతోంది. ఇప్పుడు జిబిగ్స్ పాటకు ఫిదా అయిన పవన్ ఫ్యాన్స్ నుంచి అభినందనలు వెల్లువెత్తుతున్నాయి. ఆ వీడియోను మీరూ చూడవచ్చు.