తనపై కోడిగుడ్లతో దాడి చేసిన పవన్ కల్యాణ్ ఫ్యాన్స్ పై పెట్టిన పోలీస్ కేసును ఫిలిం క్రిటిక్ కత్తి మహేష్ వెనక్కి తీసుకున్న సంగతి తెలిసిందే. దీంతో, పవన్ ఫ్యాన్స్ కు, మహేష్ కు మధ్య నెలకొన్న వివాదం ముగిసిపోయినట్టే అని అందరూ భావిస్తున్నారు. కార్యకర్తలు సంయమనంతో ఉండాలని జనసేన కార్యాలయం నుంచి కూడా అధికారికంగా సందేశం వచ్చింది. అంతేకాదు, ఫిలిం నగర్ లో నిన్న రాత్రి కత్తి మహేష్, పవన్ ఫ్యాన్స్ పార్టీ చేసుకున్నట్లు కూడా తెలుస్తోంది.
అయితే తాజాగా మహేష్ ఓ ట్వీట్ చేశారు. ‘పోరాటం అంతా నిర్భయంగా మన అభిప్రాయాన్ని చెప్పే హక్కుని పరిరక్షించుకోవడానికి. అది ఎక్కడా నేను సరెండర్ చెయ్యను. నోరు మూసుకునే అవసరం లేదు. వ్యక్తుల్ని టార్గెట్ చేయడం కాకుండా విధానాలు, సమస్యలు, ఆలోచనల గురించి నా అభిప్రాయాల్ని ఎప్పటిలాగే నిష్కర్షగా చెబుతూనే ఉంటాను’ అని ట్వీట్‌లో తెలిపారు.
పోరాటం అంతా నిర్భయంగా మన అభిప్రాయాన్ని చెప్పే హక్కుని పరిరక్షించుకోవడానికి. అది ఎక్కడా నేను సరెండర్ చెయ్యను. నోరు మూసుకునే అవసరం లేదు. వ్యక్తుల్ని టార్గెట్ చెయ్యడం కాకుండా విధానాలు, సమస్యలు,ఆలోచనల గురించి నా అభిప్రాయాల్ని ఎప్పటిలాగే నిష్కర్షగా చెబుతూనే ఉంటాను.
— Kathi Mahesh (@kathimahesh) January 20, 2018