హీరోయిన్ కాజల్ అగర్వాల్ ప్రేమలో పడింది! అయితే వ్యక్తి ప్రేమలో మాత్రం కాదండోయ్.. తాను ఆత్మీయంగా పెంచుకునే గుర్రం(ఖలీసి) తో ప్రేమలో పడింది. అవును.. ఈ విషయాన్ని కాజలే స్వయంగా ప్రకటించింది.‘ఖలీసి’ అనే గుర్రం అంటే తనకు చాలా ఇష్టమని అగ్ర కథానాయిక కాజల్ తెలిపారు. ఆమె ఇన్‌స్టాగ్రామ్‌లో గుర్రంతో ఆప్యాయంగా దిగిన ఫొటోను పంచుకున్నారు. ‘రోజు ముగిసే సరికి కాళ్లకు మురికి అంటుకుంటుంది. శిరోజాలు పాడైపోతాయి. కానీ కళ్లల్లోని మెరుపు అలానే ఉంటుంది.. ఖలీసి (గుర్రం)తో ప్రేమలో ఉన్నా’ అని ఆమె పోస్ట్‌ చేశారు. గుర్రం కళ్లను ఈగల నుంచి రక్షించేందుకు దానికి మాస్క్‌ వేశారు.