ఇటీవలి కాలంలో సినిమాలకు దూరంగా ఉంటున్న ప్రముఖ హాస్య నటుడు బ్రహ్మానందం త్వరలో బుల్లితెరపై సందడి చేయనున్నారు. ప్రముఖ చానల్‌లో త్వరలో ప్రారంభం కానున్న ఓ కామెడీ షోకి బ్రహ్మీ వ్యాఖ్యాతగా వ్యవహరించనున్నారు. ఇందుకు సంబంధించిన ప్రోమోను ఆ చానల్ విడుదల చేసింది. ‘స్టాండప్ కామెడీ అంటే.. కూర్చుని కూడా నవ్వొచ్చు’ అంటూ ప్రోమోలో ఆయన చేసిన సందడి అందరినీ ఆకర్షిస్తోంది. త్వ‌ర‌లోనే ఈ షోని సదరు ఛానల్ ప్రారంభించనున్నట్లు ప్రకటించింది. బ్రహ్మి తొలిసారి హోస్ట్ గా వ్యవహరించబోతున్న షో కావడం క్రేజ్ నెలకొని ఉంది.