తమిళ సూపర్స్టార్ రజనీకాంత్ సినిమాలు మానేసి కుటుంబ సభ్యులకు ఎక్కువ సమయాన్ని కేటాయిస్తే బావుంటుందని ఆయన కుమార్తె ఐశ్వర్య అభిప్రాయపడ్డారు. ఓ వెబ్సైట్కు ఇచ్చిన ఇంటర్వ్యూలో ఆమె మాట్లాడుతూ..తన నటన ద్వారా ప్రేక్షకులను సంతోషపెడుతున్న రజనీ పూర్తిగా సినీ రంగంపైనే దృష్టిసారించడం తగదని అన్నారు. తన తండ్రిని ఇప్పటికిప్పుడు సినిమాలు పూర్తిగా మానేయాలని తాను కోరుకోవటం లేదు కానీ.. దశల వారీగా మానేయాలని కోరుతున్నానని చెప్పారు. ఎందుకంటే.. రజనీ సినిమాలు మానేసి కుటుంబ సభ్యులకు ఎక్కువ సమయాన్నికేటాయిస్తే బాగుంటుందన్న అభిప్రాయాన్ని ఆయన కుమార్తె ఐశ్వర్య అభిప్రాయపడ్డారు. సంతోషం వస్తే పొంగిపోకూడదని.. దుఃఖం వస్తే కుంగిపోకూడదంటూ తన తండ్రి చెప్పే మాట తనకు స్పూర్తిగా ఆమె చెప్పారు.