తన కోడలు ఐశ్వర్యారాయ్ ని సున్నితంగా మందలిస్తున్న అమితాబ్ బచ్చన్ వీడియో ఇప్పుడు సోషల్ మీడియాలో వైరల్ అవుతోంది. ఈ వీడియో రెండు సంవత్సరాల క్రితం జరిగిన స్టార్ డస్ట్ అవార్డుల ప్రోగ్రామ్ లోదని తెలుస్తుండగా, అదిప్పుడు చక్కర్లు కొడుతోంది. 2015 స్టార్డస్ట్ అవార్డ్స్ కార్యక్రమంలో తీసిన వీడియో ఇది. ఈ కార్యక్రమంలో ఐష్ ‘జజ్బా’ చిత్రానికి గానూ ఉత్తమ నటి అవార్డు అందుకొన్నారు. అమితాబ్.. ‘పీకూ’ చిత్రానికి గానూ ఉత్తమ నటుడిగా అవార్డు గెలుచుకున్నారు.
అయితే ఈ కార్యక్రమంలో భాగంగా ఐష్.. అమితాబ్తో కలిసి ఫొటో దిగుతూ.. ‘ఈయనే బెస్ట్’ అంటూ చిన్నపిల్లలా బిగ్బి వైపు చూపుడు వేలు చూపించారు. దీనికి అమితాబ్ స్పందిస్తూ.. ‘ఐష్.. ఆరాధ్యలా ప్రవర్తించకు’ అని మందలించారు. ప్రస్తుతం ఈ వీడియో సోషల్మీడియాలో వైరల్ అవుతోంది.