పానగల్లు ఛాయా సోమేశ్వరాలయం వద్ద ఇంటాక్ ఆధ్వర్యంలో చేపట్టిన వారసత్వ నడక (హెరిటేజ్ వాక్)ను నల్లగొండ కలెక్టర్ బి. చంద్రశేఖర్ ప్రారంభించారు. శివలింగంపై పడే నీడ విశిష్టతను పరిశీలించి పూజలు చేశారు. పురాతన కట్టడాలు, ఆలయాలను కాపాడి భావితరాలకు అందించాల్సిన బాధ్యత అందరిపై ఉందన్నారు.

పశ్చిమ గోదావరి జిల్లా మారుటేరు ప్రాంతీయ వ్యవసాయ పరిశోధనా స్థానంలో మౌలానా అబుల్ కలాం ఆజాద్ జయంతిని పురస్కరించుకుని జాతీయ విద్యా దినోత్సవం ఘనంగా జరిగింది. విద్యా వికాసంతోనే దేశ ప్రగతి సాధ్యమని ఏడీఆర్ డాక్టర్ సి.హెచ్. శ్రీనివాస్ అన్నారు. పరిశోధనా పరిజ్ఞానాన్ని రైతులకు చేరవేయాలని డాక్టర్ మల్లిఖార్జున రావు కోరారు. శాస్త్రవేత్తలు పాల్గొన్నారు.

యూరప్‌లో వరుస భద్రతా హెచ్చరికలు కలకలం రేపుతున్నాయి. ఇటలీలో 300కు పైగా పాఠశాలలకు బాంబు బెదిరింపులు రావడంతో విద్యార్థులను ఖాళీ చేయించారు. ఈ ఘటనపై ప్రధాని జార్జియా మెలోని అత్యవసర సమావేశానికి సిద్ధమయ్యారు.

మున్సిపల్ కార్మికులను వ్యక్తిగత పనులకు వాడుకున్న కోరుట్ల ఎమ్మెల్యే కల్వకుంట్ల సంజయ్ ప్రజలకు క్షమాపణ చెప్పాలని మెట్‌పల్లి కాంగ్రెస్ పట్టణ అధ్యక్షుడు మహమ్మద్ రైస్ డిమాండ్ చేశారు. కార్మికుల జీతాల సొమ్మును 10 రోజుల్లో రికవరీ చేయకుంటే ఎమ్మెల్యే ఇల్లు ముట్టడిస్తామని, ఆ కార్మికులను విధుల్లోకి తెచ్చిన కమిషనర్‌కు ధన్యవాదాలు తెలిపారు.

నల్లగొండ కలెక్టరేట్‌లో మౌలానా అబుల్ కలాం ఆజాద్ 138వ జయంతి సందర్భంగా కలెక్టర్ బి. చంద్రశేఖర్ ఆయన చిత్రపటానికి నివాళులర్పించారు. గాంధేయ మార్గంలో పోరాడిన ఆజాద్.. దేశ తొలి విద్యా విధానాన్ని రూపొందించారని కొనియాడారు. ఆయన ఆలోచనలు, పోరాట స్ఫూర్తిని భావితరాలకు అందించాల్సిన బాధ్యత అందరిపై ఉందన్నారు.

అనంతపురం నగర నూతన మేయర్ సి. రమేష్ గౌడ్ తాడేపల్లిలో వైఎస్ జగన్‌ను మర్యాదపూర్వకంగా కలిసి ఆశీస్సులు తీసుకున్నారు. కూటమి ఎన్ని కుట్రలు చేసినా ప్రజలు అండగా నిలిచారని, వారి నమ్మకాన్ని నిలబెట్టుకోవాలని జగన్ సూచించారు. నగర అభివృద్ధికి కృషి చేస్తానని మేయర్ తెలిపారు. ఎంపీ మిథున్‌రెడ్డి, అనంత వెంకట్రామిరెడ్డి పాల్గొన్నారు.

ఏలూరు జిల్లాలో నవంబర్ నెలకు నిర్దేశించిన 7,816 పట్టాదార్ పాస్ పుస్తకాల లక్ష్యానికి గాను 2,233 పంపిణీ చేసినట్లు సీసీఎల్ఏ జి. జయలక్ష్మికి కలెక్టర్ కె. వెట్రిసెల్వి తెలిపారు. డిసెంబర్‌లో 56 గ్రామాలకు గాను 7,975 పుస్తకాలు ముద్రణకు సిద్ధమయ్యాయన్నారు. మ్యూటేషన్ల ఈ కేవైసీ 8,384 పూర్తయినట్లు వెల్లడించారు. జేసీ అభిషేక్ గౌడ పాల్గొన్నారు.

అమెరికాలోని అలాస్కా సైనిక స్థావరం సమీపంలో జెల్లీఫిష్ ఆకారంలో వింత వస్తువు కనిపించింది. దంపతులు చిత్రీకరించిన వీడియోలు సోషల్ మీడియాలో వైరల్‌గా మారగా, అది యూఎఫ్‌ఓనా, డ్రోనా అనే చర్చ మొదలైంది.

విశాఖపట్నం పశ్చిమ నియోజకవర్గంలో బెహరా భాస్కర్ ఆధ్వర్యంలో, ఎమ్మెల్యే వంశీకృష్ణ యాదవ్ సహకారంతో గెలుపొందిన జనసేన కార్పొరేటర్లను సన్మానించారు. 75వ వార్డు కార్పొరేటర్ సంధ్యారాణిని ప్రత్యేకంగా సత్కరించారు. ప్రజలకు ఏ కష్టం వచ్చినా ముందుండి పరిష్కరించాలని ఎమ్మెల్యే పిలుపునిచ్చారు. జనసైనికుడు నాని, వీర మహిళలు పాల్గొన్నారు.

KA Paul: విజయసాయిరెడ్డి కొత్తగా ఏర్పాటు చేసిన పార్టీపై ప్రజాశాంతి పార్టీ అధ్యక్షుడు కేఏ పాల్ తీవ్రస్థాయిలో విరుచుకుపడ్డారు. అది 'పరివర్తన పార్టీ' కాదని, 'అపరివర్తన అవినీతి పార్టీ' అని ఎద్దేవా చేస్తూ సీబీఐ విచారణకు డిమాండ్ చేశారు.

ప్రకాశం జిల్లా సింగరాయకొండ ప్రభుత్వ జూనియర్ కాలేజ్ గేట్ వద్ద 9వ తరగతి విద్యార్థుల మధ్య జరిగిన ఘర్షణలో ఒక బాలుడు తీవ్ర అస్వస్థతకు గురవడంతో ఉపాధ్యాయులు హరిబాబు ఆసుపత్రికి తరలించారు. కాలేజ్ గోడలపై తిష్టవేసే ఆకతాయిలు ఈవ్‌టీజింగ్, బైక్ స్టంట్లు చేస్తూ భయభ్రాంతులకు గురిచేస్తున్నారని, పోలీసులు కఠిన చర్యలు తీసుకోవాలని స్థానికులు కోరారు.

గూగుల్ నవంబర్ 2026 పిక్సెల్ డ్రాప్‌ను నవంబర్ 10న ప్రకటించింది. ఈసారి ప్రధాన ఆకర్షణ ‘Gemini ఇంటెలిజెన్స్'. ఇంతకు ముందు పిక్సెల్ 11 సిరీస్‌కే పరిమితమైన ఈ ఫీచర్ ఇప్పుడు పిక్సెల్ 10 ఫోన్లకు వస్తోంది.