'లక్ష్మీస్‌ ఎన్టీఆర్‌' నుంచి ఎన్టీఆర్‌ లుక్‌ విడుదల!

ఎన్టీఆర్ వర్ధంతి సందర్భంగా సంచలన దర్శకుడు రాంగోపాల్ వర్మ తాను తీస్తున్న లక్ష్మీస్ ఎన్టీఆర్ చిత్రంలో ఎన్టీఆర్‌ గెటప్ రివీల్ చేశాడు. యూ ట్యూబ్‌లో విడుదల చేసిన ఈ వీడియోకు ఇప్పటికే భారీ స్పందన లభిస్తోంది. అచ్చం ఎన్టీఆర్‌లా ఉన్న ఆ నటుడు తన హావభావాలతో అదరగొట్టాడు. ఒక నిమిషం పాటు ఉన్న ఈ వీడియో సినిమాపై అంచనాలను పెంచుతుందనడంలో సందేహం లేదు. కుర్చీలో కూర్చొని దీర్ఘంగా ఏదో ఆలోచిస్తున్నట్లు ఉన్న ఈ సీన్ చెప్పకనే ఎన్నో విషయాలను చెప్పినట్లు అనిపిస్తోంది.