కాంగ్రెస్ అధ్యక్షుడు రాహుల్ గాంధీని బాలీవుడ్ హీరోయిన్లు తెగ లైక్ చేస్తున్నారు. బాలీవుడ్ అగ్ర హీరోయిన్ కరీనా కపూర్ ఈ విషయంలో బయటపడినట్టున్నారు. ఏకంగా రాహుల్ తో డేటింగ్ చేయాలనీ ఉందని కరీనా తన మనసులోని మాటను బయటపెట్టింది. అసలు విషయంలోకి వెళితే ఇటీవల కరీనా కపూర్ ఓ టీవీ ఛానల్ కు ఇంటర్వ్యూ ఇచ్చారు. ఇందులో ఆమె జీవితంలో జరిగిన సంఘటనలను పంచుకున్నారు. ఈ క్రమంలో ఆమెకు యాంకర్ ఒక ఆసక్తికర ప్రశ్న వేశారు. మీరు ఎవరితో డేట్ కు వెళ్లాలనుకుంటున్నారు..?' అని.. దానికి కరీనా బదులిస్తూ.. 'ఈ ప్రశ్నకు ఈ సమాధానం చెప్పొచ్చో.. లేదో నాకు తెలియదు కానీ చెబుతాను అంటూ టక్కున
కాంగ్రెస్ అధ్యక్షుడు రాహుల్ గాంధీ పేరు చెప్పేసింది. అంతేకాదు రాహుల్ గాంధీ గురించి పూర్తిగా తెలుసుకోవాలనుందని వెల్లడించింది. అంతే సదరు యాంకర్ గారు ఆశ్చర్యంలో మునిగిపోయారు. ఇదిలావుంటే ఈ బ్యూటీకి ఆల్రెడీ బాలీవుడ్ హీరో సైఫ్ అలీ ఖాన్ తో వివాహం జరిగింది. వారిద్దరూ ప్రేమించి పెళ్లి చేసుకున్న సంగతి తెలిసిందే. వీరికి ఓ కొడుకు కూడా ఉన్నాడు.