సినిమాలో కొత్తదనం ఉండి నవ్వించగలగాలి కానీ ప్రేక్షకులు సినిమాని మళ్లీ మళ్లీ చూసేందుకు ఇష్టపడుతూనే ఉంటారు. ఇప్పుడు బాలీవుడ్ లో బాలా సినిమా కూడా అలాగే ఉంది. బాలీవుడ్ హీరో ఆయుష్మాన్‌ ఖురానా ప్రధాన పాత్రలో నటించాడు. ఇప్పుడు ఈ చిత్రం బాక్స్ ఆఫీస్ వద్ద మంచి వసూళ్ళను రాబడుతుంది. నవంబర్ 07 న విడుదలైన ఈ సినిమాకి ప్రేక్షకులు బ్రహ్మారధం పడుతున్నారు. ఈ సినిమాలో ఆయుష్మాన్‌ ఖురానా బట్టతలతో భాదపడుతున్న యువకుడి పాత్ర్రలో నటించి మెప్పించాడు. ముఖ్యంగా బట్టతలను కవర్ చేసేందుకు హీరో చేసే ప్రయత్నాలు ప్రేక్షకులను బాగా నవ్విస్తున్నాయి.
మొదటిరోజు ఈ సినిమా బాక్సాఫీస్‌ను షేక్ చేస్తూ రూ.10 కోట్లకు పైగా వసూలు చేసింది. ఇక రెండవరోజు రూ.15 కోట్లు, మూడో రోజు రూ.18 కోట్లకు పైగా వసూళ్లను సాధించి అందరిని ఆశ్చర్యంలోకి నెట్టేసింది. ఈ సినిమాలో భూమి పడ్నేకర్‌, యామీ గౌతమ్‌ హీరోయిన్లుగా నటించారు. అమర్‌ కౌశక్‌ దర్శకత్వం వహించారు. ఈ సినిమా ప్రేక్షకులతో పాటు ఇటు విమర్శకులను సైతం మెప్పించి రికార్డుల వైపు దూసుకుపోతుంది.