బాలీవుడ్ హీరో రణ్బీర్ కపూర్ ప్రధానపాత్రలో సీనియర్ నటుడు సంజయ్ దత్ జీవిత కథ ఆధారంగా రూపొందించిన ‘సంజు’ సినిమా భారీ వసూళ్లను రాబడుతోంది. ఈ సినిమా అన్ని హిందీ బ్లాక్ బస్టర్ సినిమాల రికార్డ్లను తుడిచిపెట్టేసింది. అంతేకాదు సంజు బయోపిక్ బాహుబలి 2 గ్రాస్ రికార్డ్ను కూడా రూ.46.71కోట్ల వసూళ్లతో ఆదివారం బీట్ చేసేసింది. అంతకు ముందు ఆ రికార్డు రూ.46.50 కోట్లతో బాహుబలి-2(హిందీ వర్షన్) పేరిట ఉంది. పాపులర్ ట్రేడ్ అనలిస్ట్ అంచనా ప్రకారం సంజు ఆదివారం రూ.46.71 కోట్లను కలెక్ట్ చేసింది. శుక్రవారం రూ.34.75కోట్లు, శనివారం 38.60 కోట్లతో తొలి మూడు రోజుల్లో రూ.120.06కోట్లను కలెక్ట్ చేసింది. సంజు ఈ వీకెండ్లో రూ.200కోట్ల క్లబ్లో చేరుతుందని ట్రేడ్ అనలిస్టుల అంచనా.