దర్శకుడు రామ్ గోపాల్ వర్మ మరో సంచలనానికి సిద్ధమయ్యాడు. పోర్న్ స్టార్ను డైరెక్ట్ చేయాలన్న తన కలను ఎట్టకేలకు నెరవేర్చుకున్నాడు. ఓ ప్రముఖ పోర్న్ స్టార్ తో ప్రత్యేక వీడియో చిత్రీకరించాడు. ఈ విషయాన్ని ట్విటర్ ద్వారా వర్మ తెలియజేశాడు. ఇప్పటికే వెబ్సిరీస్ పేరిట అమ్మాయిలను నగ్నంగా చూపించిన వర్మ.. ఈ సారి ఏకంగా పోర్న్స్టార్తోనే ఓ వీడియో రూపొందించాడు. సన్నీలియోన్ తర్వాత మరో పోర్న్స్టార్ మియా మల్కోవా.. వర్మ ద్వారా భారత తెరపై మెరవనుంది. `గాడ్, సెక్స్ అండ్ ట్రూత్` పేరిట వర్మ ఈ వీడియోను రూపొందించాడు. ఈ విషయాన్ని వర్మ, మల్కోవా.. ఇద్దరూ తమ తమ ట్విటర్ ఖాతాల ద్వారా తెలియజేశారు.
`సన్నీలియోన్తో పనిచేసే అవకాశం దక్కకపోయినప్పటికీ మీతో పనిచేసే చాన్స్ వచ్చింది. ఆ అనుభవాన్నిమరవలేను. నువ్వో అందమైన పెయింటింగ్.. నేనో ఫ్రేమ్ మేకర్` అంటూ మల్కోవాను ఉద్దేశించి వర్మ వరుస ట్వీట్లు చేశాడు. `యూరప్లో `గాడ్, సెక్స్ అండ్ ట్రూత్` షూటింగ్లో పాల్గొన్నా. సన్నీలియోన్ తర్వాత భారత తెరపై కనిపించనున్న పోర్న్స్టార్ నేనే` అంటూ మియా ట్వీట్ చేసింది. అలాగే ఈ వీడియోకు సంబంధించిన కొన్ని నగ్న ఫోటోలను తన ట్విటర్ ఖాతాలో పొందుపరిచింది. ఈ చిత్ర ట్రైలర్ ను జనవరి 16న విడుదల చేయబోతున్నట్లు వర్మ ప్రకటించటంతో.. అది ఎంత సెన్సేషన్ కాబోతుందోనన్న చర్చ అప్పుడే మొదలైపోయింది.