దివంగత మాజీ కేంద్ర మంత్రి, దర్శకరత్న దాసరి నారాయణరావు తనయుడు కిరణ్ కుమార్ వైసీపీలో చేరారు. లోటస్ పాండ్ లోని వైసీపీ కార్యాలయానికి వచ్చిన కిరణ్.. జగన్ సమక్షంలో ఆ పార్టీలో చేరారు. అనంతరం ఆయన మాట్లాడుతూ.. దాసరి నారాయణరావు బ్రతికి ఉంటే ఖచ్చితంగా వైసీపీలో చేరి ఉండేవారని అన్నారు.
వైసీపీ సిద్ధాంతాలు, ఆశయాలు నచ్చే ఆ పార్టీలో చేరారని అన్నారు. తమ అధినేత వైయస్ జగన్ ఆదేశిస్తే రాష్ట్రవ్యాప్తంగా ప్రచారం చేస్తానని అన్నారు. కాగా ఇటీవల చాలా మంది సినీనటులు వైసీపీలో చేరిన సంగతి తెలిసిందే. బుధవారం నటుడు దగ్గుబాటి రాజారవీంద్ర కూడా జగన్ సమక్షంలో వైసీపీలో చేరారు.