Karate Kalyani: కరాటే కళ్యాణి‌పై జగద్గిరిగుట్ట పోలీసుల కేసు నమోదు!

Karate Kalyani: లేడీ కమెడియన్ గా తనకంటూ టాలీవుడ్లో ఒక మంచి పేరు తెచ్చుకున్న కరాటే కళ్యాణి ఈమధ్య టీవీ సీరియల్స్ తో బిజీగా ఉంటుంది. ఈ మధ్యనే బిగ్ బాస్ షోలో కూడా కనిపించిన కరాటే కళ్యాణి ఈ మధ్య కాలంలో తరచుగా వివాదాల్లో ఇరుక్కుంటూ వార్తల్లో నిలుస్తోంది. తాజాగా హైదరాబాద్ లోని జగద్గిరిగుట్ట లో ఈమె పై కేసు నమోదైంది. సైదాబాద్ పోలీస్ స్టేషన్ పరిధిలో సింగరేణి కాలనీకి చెందిన ఒక మైనర్ బాలిక హత్య కేసు నడుస్తోంది. అయితే ఈ కేసు కి సంబంధించిన వివరాలన్నీ కరాటే కళ్యాణి లీక్ చేసిందని సాక్ష్యాలు తారుమారు చేసే ప్రయత్నం కూడా చేసిందని నితీష్ అనే ఒక వ్యక్తి ఈమెపై కంప్లైంట్ నమోదు చేశారు.

రంగారెడ్డి జిల్లా కోర్టులో కరాటే కళ్యాణి పేరు మీద ఫిర్యాదు చేశారు. దీంతో కోర్టు జగద్గిరి గుట్ట పోలీసులకు ఆదేశాలు పంపగా ఆమెపై కేసు నమోదు చేశారు పోలీసులు. అయితే కరాటే కల్యాణి కి ఈ మైనర్ బాలిక హత్య కి మధ్య ఉన్న సంబంధం ఏంటి అని వివరాలు ఇంకా తెలియలేదు. ఇక ఈ మధ్యనే కళ్యాణి బండి సంజయ్ ఆధ్వర్యంలో బిజెపి జండా పట్టుకుంది. అలాగే మా ఎన్నికల్లో కూడా విష్ణు తరఫున సెక్రెటరీగా పోటీ చేసింది. అయితే ఈ కేసు విషయంలో కరాటే కళ్యాణి ఇంకా రియాక్ట్ అవ్వాలి ఉంది.