Brain Damage: ఈ అలవాట్లు మెదడుకి హాని కలిగిస్తాయి.. మార్చుకోపోతే ఇబ్బందిపడుతారు..!

Brain Damage: శరీరంలోని ప్రధాన అవయవాలలో మెదడు ఒకటి. మనిషి శారీరక, మానసిక పనులు మొత్తం దీని నియంత్రణలోనే ఉంటాయి. అందుకే మెదడు ఆరోగ్యం కాపాడుకోవడం చాలా ముఖ్యం. కానీ ఈ రోజుల్లో కొన్ని చెడు అలవాట్లు మెదడుని బలహీనపరుస్తున్నాయి. దీనివల్ల జ్ఞాపకశక్తి తగ్గిపోతుంది. ఈ అలవాట్లని మార్చుకోపోతే చాలా నష్టం జరుగుతుంది. అయితే మెదడుకి హాని కలిగించే అలవాట్ల గురించి ఈ రోజు తెలుసుకుందాం.

తగినంత నిద్ర లేకపోవడం: మెదడు సరిగ్గా పనిచేయడానికి నిద్ర చాలా అవసరం. తగినంత నిద్ర లేనప్పుడు మెదడుకు రక్త ప్రసరణ తగ్గిపోతుంది. ఇది జ్ఞాపకశక్తిని తగ్గిస్తుంది. ఏకాగ్రత సామర్థ్యాన్ని ప్రభావితం చేస్తుంది.

అనారోగ్యకరమైన ఆహారం: ఆరోగ్యకరమైన ఆహారం మెదడును ఆరోగ్యంగా ఉంచడంలో సహాయపడుతుంది. అధికంగా జంక్ ఫుడ్, ఆల్కహాల్, కెఫిన్ తీసుకుంటే అవి మెదడుకు హాని కలిగిస్తాయి.

ధూమపానం: ధూమపానం మెదడు కణాలను దెబ్బతీస్తుంది. ఇది జ్ఞాపకశక్తిని, ఏకాగ్రత సామర్థ్యాన్ని తగ్గిస్తుంది.

అధిక ఆల్కహాల్ : అధిక ఆల్కహాల్ తీసుకోవడం వల్ల మెదడులో మంట వస్తుంది. ఇది జ్ఞాపకశక్తి ఏకాగ్రత సామర్థ్యాన్ని తగ్గిస్తుంది.

ఒత్తిడి: ఒత్తిడి మెదడులో ఒక రకమైన హార్మోన్లను ఉత్పత్తి చేస్తుంది. ఇవి మెదడు కణాలను దెబ్బతీస్తాయి.

వ్యాయామం లేకపోవడం: వ్యాయామం మెదడుకు రక్త ప్రసరణను పెంచుతుంది. కొత్త న్యూరాన్ల ఏర్పాటును ప్రోత్సహిస్తుంది. క్రమం తప్పకుండా వ్యాయామం చేయకపోవడం వల్ల మెదడు ఆరోగ్యంపై ప్రభావం పడుతుంది.

డాక్టర్ సలహా ప్రకారం: పై కారణాల వల్ల మెదడు బలహీనపడుతుందని పలువురు వైద్యనిపుణులు చెబుతున్నారు. అయితే వీటికి సంబంధించి ఏవైనా మందులు లేదా చికిత్స తీసుకోవాలనుకుంటే కచ్చితంగా డాక్టర్‌ సలహా ప్రకారం మాత్రమే చేయాలని గుర్తుంచుకోండి.