Nalgonda: నల్లగొండలో తృటిలో తప్పిన ముప్పు.. రోడ్డుపై భారీ ట్యాంకర్ బోల్తా!

Nalgonda: నల్లగొండ జిల్లా కేంద్రంలో ఆదివారం తృటిలో ఒక పెద్ద ప్రమాదం తప్పింది. స్థానిక జిల్లా పోలీస్ సూపరింటెండెంట్ (ఎస్పీ) క్యాంప్ కార్యాలయం ఎదురుగా ఉన్న ప్రధాన రహదారిపై ఒక వాటర్ ట్యాంకర్ అదుపుతప్పి అకస్మాత్తుగా బోల్తా పడింది. ​ట్యాంకర్ ఒక్కసారిగా రోడ్డుకు అడ్డంగా పడిపోవడంతో ఆ ప్రాంతంలో కాసేపు కలకలం రేగింది. అయితే, ప్రమాదం జరిగిన సమయంలో ఆ మార్గంలో ఇతర వాహనాల రాకపోకలు ఏవీ లేకపోవడంతో ఎలాంటి ప్రాణనష్టం జరగలేదు. దీంతో స్థానికులు, వాహనదారులు ఊపిరి పీల్చుకున్నారు. సమాచారం అందుకున్న పోలీసులు వెంటనే ఘటనా స్థలానికి చేరుకుని, ట్రాఫిక్‌కు అంతరాయం కలగకుండా క్రేన్ సహాయంతో ట్యాంకర్‌ను పక్కకు తొలగించారు.