ఉత్తమ్ ఫెయిల్, వి.హెచ్ కి పీసీసీ ఇవ్వాలిసిందేనా ?

పార్టీలో అయన ఓ సీనియర్ నేత .. కానీ ఈ వయసులో కూడా అయన దూకుడు చూస్తుంటే చాలా మందికి ముచ్చటేస్తుంది . కానీ కాంగ్రెస్ పార్టీ నుండి అయనపై భిన్న స్వరాలూ వినిపిస్తున్నాయి . ఈ వయసులో కూడా అయన పనితీరుపై కొందరు ప్రశంసలు కురిపిస్తుంటే మరికొందరు మాత్రం ఈ దూకుడుకి బ్రేక్ వేస్తే బాగుండు అని అనుకుంటున్నారు . ఆయనే కాంగ్రెస్ కురవృద్దుడు వి.హెచ్ హనుమంతరావు ...

ప్రస్తుతం అయనకి వయసు 70 సంవత్సరాలు కానీ కాంగ్రెస్ పార్టీలో అయన 20 ఏళ్ల కుర్రాడిలాగా దూసుకుపోతున్నారు. ఆయన ఇప్పటికే కాంగ్రెస్ పీసీసీ అధ్యక్షుడు,మంత్రి, ఎమ్మెల్సి , రాజ్యసభ సభ్యుడు , ఇలా విభిన్నమైన పదవులు పోషించి పార్టీలో కీ రోల్ ప్లే చేసారు . అయితే ఇప్పటి కాంగ్రెస్ పరిస్థితి మనకు తెలిసిందే .

గత సంవత్సరం ఎన్నికల్లో కాంగ్రెస్ గెలిచింది 19 సీట్లే... ఇందులో 11 మంది జంప్ .. ఇక ప్రభుత్వం తప్పు చేసి పోరాటం చేసే ఛాన్స్ ఇచ్చినా సరైనా పోరాటం చేయడంలేదు అనే విమర్శలు ఎదురుకుంటుంది . ఇలా ఉన్న పార్టీని చక్కదిద్దవలిసిన కాంగ్రెస్ నాయకులూ ఎవరిదారిలో వారు ఉన్నారు . ఐతే ఇందులో వి.హెచ్ ఇప్పటికి కీరోల్ ప్లే చేస్తూ ఎక్కడ చుసిన ఆయనే కనిపిస్తున్నారు ...

ఇంటర్ విద్యార్దులు చనిపోతే వాళ్ళ కుటుంబాలను కలిసి వారికీ ఆర్ధిక సహాయం చేయడం , ధర్నాలలో పాల్గొనడం , గ్లోబరీనా సంస్థపై కేటిఅర్ కి సవాల్ విసిరారు . హాజీపూర్ ఘటనకి వెళ్లి సందర్శించారు . అంబేద్కర్ విగ్రహం తీసేస్తే ధర్నాకి దిగారు . తిరిగి విగ్రహం పెట్టకపోతే అమరణదీక్షకు దిగుతానని అన్నారు . ట్రాఫిక్ చలనాల పై ఫైర్ అయ్యారు . ఇలా ఎక్కడపడితే అక్కడ వి.హెచ్ కాంగ్రెస్ ని ముందుండి నడిపిస్తున్నారు .

ప్రభుత్వ వ్యతిరేకతను మాత్రమే కాదు . సొంత పార్టీలో కోవర్టులు ఉన్నారని దైర్యంగానే చెప్పారు . గత ఎన్నికల్లో చేసిన తప్పులని ఎత్తి చూపారు . ఇంతా చేస్తున్న వి.హెచ్ పై సొంత పార్టీ నుండి భిన్నస్వరాలు వినిపిస్తున్నాయి . అయన ఇప్పటికి పార్టీనుండి కష్టపడుతున్నారు అని కొందరు అంటుంటే ఇంకొందరు మాత్రం ఈ వయసులో ఆయనకి ఇంత దూకుడు , ఆవేశం పనికిరావని అంటున్నారు . ఏది ఏమైనా వి.హెచ్ తనదైన శైలిలో దూసుకుపోవడం అభిననదించవలిసిన విషయమే.. అందుకేనేమో కాంగ్రెస్ పీసీసీ భాద్యతలు నుండి ఉత్తమ్ ని తప్పించి వి.హెచ్ అప్పజెప్పాలని కొందరు కాంగ్రెస్ నాయకుల వాదన .. ఇందులో కాంగ్రెస్ ఎలా వ్యవహరిస్తుందో చూడాలి మరి ..