logo

సర్టిఫికేట్ వేరిఫికేషన్ తేదీల ప్రకటన : టీఎస్‌పీఎస్‌సీ

సర్టిఫికేట్ వేరిఫికేషన్ తేదీల ప్రకటన : టీఎస్‌పీఎస్‌సీ
Highlights

తెలంగాణ స్టేట్ పబ్లిక్ సర్వీస్ కమిషన్ పోస్టుల భర్తీకి అభ్యర్థల సర్టిఫికెట్ వేరిఫికేషన్ తేదీలను ఖరారు చేసింది.

తెలంగాణ స్టేట్ పబ్లిక్ సర్వీస్ కమిషన్ ఇటీవల కొన్నిపోస్టులకు సంబంధించిన తుది ఫలితాలను విడుదల చేసిన విషయం అందరికీ తెలిసిందే. ఆ ఫలితాలలో ఉత్తర్ణత సాధించిన అభ్యర్థల సర్టిఫికెట్ వేరిఫికేషన్ తేదీలను కూడా ఖరారు చేసింది. టీఆర్‌టీ-పీఈటీ (తెలుగు మాధ్యమం), జిహెచ్‌ఎంసి బిల్ కలెక్టర్, ఆర్‌టిసి జూనియర్ అసిస్టెంట్, అసిస్టెంట్ అకౌంటెంట్ ఆఫీసర్ మరియు బేవరేజెస్ కార్పొరేషన్‌లోని అసిస్టెంట్ స్టోర్స్ ఆఫీసర్, డేటా ప్రాసెసింగ్ అసిస్టెంట్‌తో సహా వివిధ పోస్టుల భర్తీకి సర్టిఫికేట్ ల వేరిఫికేషన్ తేదీలను తెలంగాణ స్టేట్ పబ్లిక్ సర్వీస్ కమిషన్ (టిఎస్‌పిఎస్‌సి) శనివారం ప్రకటించింది.

పోస్ట్లులను భర్తీకి సర్టఫికేట్ వేరిఫికేషన్ను 1:3 నిష్పత్తిలో చేపడతామని తెలిపారు. పీఈటి పోస్టులకు ఎంపికైన సుమారు 71 మంది అభ్యర్థులు సర్టిఫికేట్ల ధృవీకరణ కోసం ఉదయం 10.30 గంటలకు నాంపల్లిలోని ప్రతిభా భవన్ వద్ద హాజరుకావాలని తెలిపారు. నవంబర్ 15 న ఉదయం 10 గంటలకు జిహెచ్‌ఎంసి బిల్ కలెక్టర్, జూనియర్ అసిస్టెంట్, అసిస్టెంట్ అకౌంటెంట్ ఆఫీసర్ మరియు బేవరేజెస్ కార్పొరేషన్‌లోని అసిస్టెంట్ స్టోర్స్ ఆఫీసర్ , డేటా ప్రాసెసింగ్ అసిస్టెంట్ పోస్టులకు ఎంపికైన అభ్యర్థులు ధృవీకరణ పత్రాలను తీసకుని హాజరుకావాలని తెలిపారు. ఆర్థిక విభాగంలో ఒక పోస్టు, గ్రూప్ -2 న్యాయ విభాగానికి చెందిన మూడు పోస్టులు మొత్తం నాలుగు పోస్టులకు సంబంధించిన వేరిఫికేషన్ నవంబర్ 18 ఉదయం 10.30 గంటలకు జరుగుతుందని తెలిపారు. అభ్యర్థులందరూ సకాలంలో సర్టిఫికేట్ వేరిఫికేషన్ కు రావాలని అధికారులు తెలిపారు.



లైవ్ టీవి


Share it
Top