ప్రస్తుత కాలంలో టెక్నాలజీ రోజు రోజుకు పెరిగిపోతుంది. ఇందుకు అనుగుణంగా తెలంగాణ రాష్ట్ర ఉన్నత విద్యామండలి ఈ విద్యాసంవత్సరం నుంచి డిగ్రీలో కొత్త...
ప్రస్తుత కాలంలో టెక్నాలజీ రోజు రోజుకు పెరిగిపోతుంది. ఇందుకు అనుగుణంగా తెలంగాణ రాష్ట్ర ఉన్నత విద్యామండలి ఈ విద్యాసంవత్సరం నుంచి డిగ్రీలో కొత్త కోర్సులను ప్రవేశపెట్టనుంది. ఇక ఈ కోర్సుల వలన విద్యార్థులు ఇలాంటి కొత్త కోర్సులు చేయండం ద్వారా ఉద్యోగావకాశాలు, ఉపాధి అవకాశాలు పెరుగనున్నాయి. ప్రస్తుతం ఇంటర్మీడియట్ సెకండియర్ చదువే విద్యార్థులకు ఈ అవకాశం దక్కనుంది. ఇందులో భాగంగానే బీఎస్సీ డేటా సైన్స్, బీకాం అనలిటిక్స్ లాంటి కోర్సుల్ని అందించబోతోంది. ప్రస్తుతం ఉన్న డిగ్రీ కోర్సులతో ఈ సాంకేతికతను విద్యార్థులు అందుకోవడం కష్టమైపోతున్న తరుణంలో అధికారులందరూ ఈ నిర్ణయం తీసుకున్నారని తెలిపారు. ఇందుకుగాను డేటా సైన్స్, అనలిటిక్స్, ఆర్టిఫిషియల్ ఇంటెలిజెన్స్ లాంటి కొత్త స్ట్రీమ్స్ కోర్సులను ఎక్కువ మంది విద్యార్థులు ఆదరిస్తున్నారు. ఇప్పుడు డిగ్రీలో ప్రవేశపెడుతున్న కోర్సులను ప్రత్యేకంగా ఎవరైనా చదవాలనుకుంటే వారు డిగ్రీ చేసిన తరువాత మళ్లీ ఈ కోర్సులను చదివాల్సి వచ్చేది. అందుకే ఈ సబ్జెక్ట్స్తో డిగ్రీ కోర్సుల్ని రూపొందించాలని తెలంగాణ ఉన్నత విద్యా మండలి నిర్ణయం తీసుకుంది.
అంతే కాక బీఎస్సీ డిగ్రీలో మ్యాథ్స్, స్టాటిస్టిక్స్తో పాటు డేటా సైన్స్, బీకాంలో బిజినెస్ అనలిటిక్స్ కోర్సులు అదే విధంగా ఆనర్స్ డిగ్రీని కూడా ఈ విద్యాసంవత్సరం నుంచి ప్రవేశపెట్టనుంది. ఈ కోర్సుల్లో రెగ్యులర్గా చదివే డిగ్రీల కన్నా ఆనర్స్ డిగ్రీలో 20-30 క్రెడిట్స్ ఎక్కువగా ఇచ్చి అమలు చేయాలన్న ఆలోచనలో ఉంది. వాటితో పాటుగానే మెషీన్ లెర్నింగ్, బ్లాక్ చైన్ టెక్నాలజీ, ఆర్టిఫిషియల్ ఇంటెలిజెన్స్ లాంటి సబ్జెక్టులను కూడా బీఎస్సీ కోర్సులో కలపనుంది. ఈ కోర్సులకు సంబంధించిన విధివిధానాలను రూపొందించేందుకు అధికారులతో పాటు ఆయా సబ్జెక్టుల నిపుణులతో కమిటీ ఏర్పాటు చేసింది. ఈ సబ్జెక్టులను బోధించే ఫ్యాకల్టీకి ఇండస్ట్రీకి చెందిన నిపుణులతో శిక్షణ ఇవ్వనుంది. ఈ కోర్సులు సోషల్ వెల్ఫేర్ గురుకుల కళాశాలల్లో, అటానమస్ కాలేజీల్లో, ప్రభుత్వ డిగ్రీ కళాశాలల్లో ప్రవేశపెట్టనున్నటు అధికారులు తెలిపారు. ఇందుకు సంబంధించి రెండు రోజుల క్రితం ఉన్నత విద్యామండలి కార్యాలయంలో కమిటీ సమావేశం కూడా నిర్వహించారు. ఇకపోతే ఈ కోర్సుల వలన సాంకేతిక రంగంలో విప్లవాత్మక మార్పులను మరింత తీసుకురావచ్చని తెలిపారు. ఇక ఈ కొత్త కోర్సులపై చర్చించేందుకు వచ్చే వారం మరోసారి కమిటీ సమావేశం కానుంది.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire