మంచివారు మా మాస్టారు.. రిటైర్ అయిన ఉపాధ్యాయునికి అద్భుత సత్కారం!

విద్యాబుద్ధులు నేర్పించి భావి తరాలకు బాటలు వేసిన ఆ ఉపాధ్యాయుని పదవీ విరమణ ఘనంగా జరిగింది. మహబూబాబాద్‌ జిల్లా కేసముద్రం మండలం రేకుల తండా ప్రాథమిక పాఠశాలలో రామా నరేందర్‌ గత రెండేళ్లుగా ఉపాధ్యాయునిగా పనిచేస్తున్నాడు. ఈ రెండేళ్ల పాటు నిత్యం విద్యార్థులతో ఉంటూ వారిలో చైతన్యం నింపారు. 365 రోజుల్లో 350 రోజులు పిల్లలతోనే గడుపుతూ తండా బాగు కోసం అహర్నిశలు కృషి చేశాడు. ఈ కృతజ్ఞతతో తండా వాసులు ఉపాధ్యాయుని ఘనంగా ఊరేగించారు.

రేకుల తండాలో హెల్త్‌ క్యాంపులు నిర్వహిస్తూ గిరిజనులను చైతన్య పరిచేవిధంగా కర్యక్రమాలు చేపట్టి మంచి పేరు సంపాదించాడు ఉపాధ్యాయుడు. ఆయన పదవీ విరమణ సందర్భంగా తండా వాసులంతా ఏకమై 5 కిలోమీటర్ల మేర ఎడ్లబండిపై ఊరేగింపు జరిపారు. బాధతో నిండిన హృదయాలతో సత్కరించారు. అందరూ ఐకమత్యంతో సన్మాన కార్యక్రమం నిర్వహించారు. తండాలోని ఇంటిల్లిపాది బయటకు వచ్చి డప్పు చప్పుళ్లతో నృత్యాలు చేస్తూ మాస్టారుకి పదవీ విరమణ చేపట్టారు.