తెలుగు రాష్ట్రాల్లోని 11 రూట్లలో ఈ ఆర్థికి సంవత్సరంలో మరికొన్ని కొత్త రైల్లు పరుగులు తీయనున్నాయి.
తెలుగు రాష్ట్రాల్లోని 11 రూట్లలో ఈ ఆర్థికి సంవత్సరంలో మరికొన్ని కొత్త రైల్లు పరుగులు తీయనున్నాయి. ఇందుకు గాను పబ్లిక్ ప్రైవేట్ భాగస్వామ్య పద్ధతిలో దక్షిణ మధ్య రైల్వే ప్రైవేట్ రైళ్లకు త్వరలో టెండర్లను ఆహ్వానించనున్నాయి. ఈ విషయాలని దక్షిణ మధ్య రైల్వే జనరల్ మేనేజర్ గజానన్ మాల్యా ఒక ప్రకటనలో తెలిపారు. ఇప్పటికే విశాఖపట్నం రైల్వే జోన్ కోసం పనులు ప్రారంభమయ్యాయని ఆయన వెల్లడించారు.
ఇకపోతే కేంద్రం ఇటీవల విడుదల చేసిన బడ్జెట్ లో గతేడాదితో పోల్చుకుంటే ఈ ఏడాది 3 శాతం నిధులకు ఎక్కువగా విడుదల చేసారని తెలిపారు. గతేడాది రూ. 1,56,352 కోట్ల కేటాయిస్తే , ఈ ఏడాది 2020-21 ఆర్థిక సంవత్సరానికి గాను రూ. 1,61,042 కోట్లు కేటాయించిందని ఆయన తెలిపారు. ఈ నేపథ్యంలోనే ప్రయాణికుల సౌకర్యార్ధం కొన్ని కొత్త రైలు సేవలను అందుబాటులోకి తీసుకురానుంది. ఇందుకు గాను చర్లపల్లి-వారణాసి, లింగంపల్లి-తిరుపతి, చర్లపల్లి-పర్వేలి, విజయవాడ-విశాఖపట్నం, చర్లపల్లి-శాలిమార్, ఔరంగబాద్-పన్వెలి, సికింద్రాబాద్-గౌహతి, చర్లపల్లి- చెన్నై, గుంటూరు-లింగంపల్లి రూట్లను ఎంచుకుంది.
ఇక రూట్లవారీగా బడ్జెట్ చూసుకుంటే చర్లపల్లి టర్మినల్ విస్తరణకుగాను ఈ ఏడాది బడ్జెట్లో రూ. 5 కోట్లు కేటాయించారు. అంతేకాకుండా ఎంఎంటీఎస్ రెండో దశకుగాను రూ. 40 కోట్లు ఇవ్వనున్నారని తెలిపారు. ఇక పోతే ఘట్కేసర్- యాదాద్రి ఎంఎంటీఎస్ ప్రాజెక్టుకు రూ. 10 లక్షలు కేటాయించారు.
ఇక ఇదే నేపథ్యంలో తెలుగు రాష్ట్రాల్లోనే కాకుండా దేశవ్యాప్తంగా 100 రూట్లలో 150 కొత్త ప్రైవేట్ రైళ్లను ఈ ఏడాది ప్రారంభించనున్నట్లు ఆర్థిక మంత్రి నిర్మలా సీతారామన్ తెలిపిన విషయం అందరికీ తెలిసిందే.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire