మాజీ కౌన్సిలర్ దౌర్జన్యం..అక్రమ నిర్మాణంపై ప్రశ్నించినందుకు..

రాజన్న సిరిసిల్ల జిల్లా కేంద్రంలోని సిద్ధార్థ నగర్ లో ఓ మాజీ కౌన్సిలర్ అధికారులపైనే దాడి చేస్తూ దౌర్జన్యానికి పాల్పడ్డాడు. సిరిగిరి రమేష్ అనే మాజీ కౌన్సిలర్ మున్సిపల్ టౌన్ ప్లానింగ్ అధికారులపై దౌర్జన్యానికి దిగాడు. హౌస్ పర్మిషన్ కు మించి పెంట్ హౌస్ కూడా వేస్తున్నాడన్న ఫిర్యాదులు మేరకు ఆ పనులు నిలిపివేయాలని మాజీ కౌన్సిలర్ సిరిగిరి రమేష్ ను అధికారులు ఆదేశించారు. దాంతో కోపోద్రిక్తుడైన మాజీ కౌన్సిలర్ అసహనంతో అధికారులపై దాడికి దిగాడు. మున్సిపల్ అధికారులు ఈ విషయాన్ని జిల్లా కలెక్టర్ కృష్ణ భాస్కర్ దృష్టికి తీసుకుపోగా జిల్లా కలెక్టర్ ఆగ్రహం వ్యక్తం చేశారు. స్థానిక పోలీస్ స్టేషన్ లో మున్సిపల్ అధికారులు ఫిర్యాదు చేశారు.