వరంగల్ జిల్లాలో మరో ఆర్టీసీ కార్మికుడి ఆత్మహత్యాయత్నం

9 రోజులుగా నిరవధికంగా జరుగుతున్న ఆర్టీసీ సమ్మెలో మరో ఆర్టీసీ కార్మికుడు ఆత్మహత్యకు యత్నించాడు. వరంగల్‌ జిల్లా నర్సంపేట డిపో పరిధిలో ఈ ఘటన చోటుచేసుకుంది.

రవి అనే ఆర్టీసీ కార్మికుడు ఒంటిపై పెట్రోలు పోసుకుని నిప్పంటించుకునే ప్రయత్నం చేసాడు. దీంతో అతనికి దగ్గరలో వున్న ఆర్టీసీ కార్మిక సంఘాల నాయకులు, పోలీసులు ఆయన్ని నిప్పంటించుకోకుండా అడ్డుకుని కాపాడారు. అనంతరం రవిని పోలీసులు అదుపులోకి తీసుకున్నారు.