logo

వరుస కట్టేస్తున్నారు

వరుస కట్టేస్తున్నారు
Highlights

వరల్డ్ కప్ రెండో మ్యాచ్ లో పాకిస్థాన్ పిల్లి మొగ్గలేస్తోంది. వెస్టిండీస్ తో తానాడుతున్న మొదిటి మ్యాచ్ల్లో ఆ...

వరల్డ్ కప్ రెండో మ్యాచ్ లో పాకిస్థాన్ పిల్లి మొగ్గలేస్తోంది. వెస్టిండీస్ తో తానాడుతున్న మొదిటి మ్యాచ్ల్లో ఆ జట్టు బ్యాట్సమెన్ పెవిలియన్ కు వరుస కడుతున్నారు. 15 ఓవర్లకే నాలుగు కీలక వికెట్లను కోల్పోయి పీకల్లోతు కష్టాల్లో ఉన్న పాక్.. 17 వ ఓవర్ వచ్చేసరికి మరో మూడు వికెట్లు కోల్పోయింది. 16 ఓవర్లకు పాక్‌ 75/4 స్కోరుతో ఉంది. హఫీజ్‌ (11), సర్ఫరాజ్‌ (8) ఆచితూచి ఆడారు. అయితే 17 వ ఓవర్లో కథ మారిపోయింది. ముందు పాక్‌ సారథి సర్ఫరాజ్‌ అహ్మద్‌ (8; 12 బంతుల్లో 1×4) ఔటయ్యాడు. హోల్డర్‌ వేసిన 16.1వ బంతిని ఆడబోయి కీపర్‌ షైహోప్‌కు క్యాచ్‌ ఇచ్చాడు. దానికి మొదట అంపైర్‌ ఔటివ్వలేదు. విండీస్‌ సమీక్ష కోరింది. అందులో ఔటని తేలింది. తరువాత హోల్డర్‌ వేసిన 16.6వ బంతికి ఇమాద్‌ వసీమ్‌ (1; 3 బంతుల్లో) ఔటయ్యాడు. స్లిప్‌లో గేల్‌ సులభ క్యాచ్‌ అందుకున్నాడు. తరువాతి ఓవర్లో మరో వికెట్ ను పాక్ కోల్పోయింది. ఒషాన్‌ థామస్‌ వేసిన 17.3వ బంతికి షాబాద్‌ ఖాన్‌ (0; 1 బంతి) ఔటయ్యాడు. 18.4వ బంతికి మరో వికెట్ పాక్ కోల్పోయింది. హోల్డర్‌ వేసిన 18.3వ బంతిని ఆడబోయి హసన్‌ అలీ (1; 4 బంతుల్లో) కాట్రెల్‌కు క్యాచ్‌ ఇచ్చాడు.

ఇప్పటికే 8 వికెట్లను కోల్పోయిన పాక్ జట్టు 19 ఓవర్లలో 83 పరుగులు మాత్రమే చేయగలిగింది. వంద పరుగులు కూడా ఆ జట్టు చేయడం కష్టం గా కనిపిస్తోంది.


లైవ్ టీవి


Share it
Top