టీ20 వరల్డ్‌కప్ షెడ్యూల్‌లో మార్పుల్లేవ్: సీఏ స్పష్టం

టీ20 వరల్డ్‌కప్ షెడ్యూల్‌లో మార్పుల్లేవ్: సీఏ స్పష్టం
x
T20 World Cup 2020
Highlights

అక్టోబరు- నవంబరు నాటికి ప్రస్తుత పరిస్థితులు పూర్తిగా అదుపులోకి వచ్చే అవకాశం ఉందని మేము నిజంగా ఆశిస్తున్నాము.

కరోనా ప్రభావం వలన ఇప్పటికే పలు అంతర్జాతీయ క్రికెట్ టోర్నీలు రద్దు అయిన సంగతి తెలిసిందే.. ఇక ఐపీఎల్ 2020 సీజన్ వాయిదా కూడా పడింది. ఇక ఆస్ట్రేలియా గడ్డపై ఈ ఏడాది అక్టోబరులో టీ20 ప్రపంచకప్ కూడా రద్దు అవుతుందన్న వార్తలు వస్తున్న నేపధ్యంలో క్రికెట్ ఆస్ట్రేలియా స్పందించింది. టీ20 ప్రపంచకప్ షెడ్యూల్‌లో మార్పులు ఉండబోవని, అనుకున్న షెడ్యూల్ ప్రకారమే టీ20 వరల్డ్‌కప్ జరుగుతుందని స్పష్టం చేసింది.

" అక్టోబరు- నవంబరు నాటికి ప్రస్తుత పరిస్థితులు పూర్తిగా అదుపులోకి వచ్చే అవకాశం ఉందని మేము నిజంగా ఆశిస్తున్నాము. ఒకవేళ అదే జరిగితే..? షెడ్యూల్ ప్రకారం టీ20 వరల్డ్‌కప్ జరగడం ఖాయం. మెల్‌బోర్న్ వేదికగా నవంబరు 15న టోర్నీ ఫైనల్ జరగనుండగా.. ఆ మ్యాచ్‌కి స్టేడియం మొత్తం అభిమానులతో నిండిపోయేలా ప్లాన్ చేస్తున్నాం" అని సీఏ చీఫ్ కెవిన్ రాబర్ట్స్ వెల్లడించాడు.

ఇక గత వారం, న్యూజిలాండ్‌తో జరిగిన వన్డే సిరీస్ ను ఆస్ట్రేలియా మొదటి మ్యాచ్ తర్వాత రద్దు చేసుకున్న సంగతి తెలిసిందే..

Show Full Article
Print Article
More On
Next Story
More Stories