logo

ప్రపంచం లోనే ఎత్తైన చెత్త కుప్ప ఎక్కడుందో తెలుసా?

ప్రపంచం లోనే ఎత్తైన చెత్త కుప్ప ఎక్కడుందో తెలుసా?
Highlights

ఎవరెస్టు ప్రపంచం లోనే ఎత్తైన చెత్త కుప్ప గా మారిపోయింది. అవును, మీరు చదువుతున్నది నిజమే. ఏమిటి నమ్మలేం...

ఎవరెస్టు ప్రపంచం లోనే ఎత్తైన చెత్త కుప్ప గా మారిపోయింది. అవును, మీరు చదువుతున్నది నిజమే. ఏమిటి నమ్మలేం అంటున్నారా.. అయితే ఈ వివరాలు మీకోసమే

ఏప్రిల్ 14 నుంచి మే 8 వరకు ఎవరెస్టు పర్వతం మీద స్వచ్ఛత కార్యక్రమాన్ని చేపట్టింది నేపాల్ ప్రభుత్వం. ఇందులో భాగంగా ఎవరెస్టు పర్వత శిఖరాల్లో చెత్తను ఏరివేసే ప్రక్రియను నిర్వహించారు. దాదాపు 5 టన్నుల చెత్తను ఈ క్రమంలో ఏరుకుని కిందకు తీసుకు వచ్చినట్టు నేపాల్ పర్యాటక శాఖ డైరెక్టర్ జనరల్, దండూ రాజ్ ఘిర్మి తెలిపారు. ముందు 3 టన్నుల చెత్తను తీసుకు వచ్చి హెలికాఫ్టర్ల ద్వారా తరలించినట్టు ఆయన చెప్పారు. నేపాల్ టూరిజం సంస్థ చెత్తను గ్రేడింగ్ చేయడానికి బ్ల్యూ వేస్ట్ వాల్యూ కంపెనీని నియమించింది పోగుపడిన చెత్తలో వెయ్యి కేజీలు ఇప్పటికే ఆ సంస్థకు పంపించినట్టు దండు రాజ్ చెప్పారు. ఈ చెత్తలో ఆక్సిజన్ కాన్లు, పిలాస్టిక్ టిన్నులూ, మానవ వ్యర్థాలు ఉన్నాయని ఆయన వివరించారు. ఎవరెస్టు పర్వతాన్ని అధిరోహించడానికి వచ్చే పర్వతారోహకులు కొన్నేళ్లుగా చెత్తను అక్కడే పారవేయడం తో ఈ దుస్థితి వచ్చిందన్నారు. ప్రపంచం లోనే ఎత్తైన డంపింగ్ యార్డ్ గా దీనిని మార్చేశారని ఆయన చెప్పారు.

ఈ పారిస్తాటిని దృష్టిలో పెట్టుకుని గత కొన్నేళ్లుగా ఎవరెస్టు ఎక్కే ప్రతి ఒక్కరు తిరిగి వచ్చేటప్పుడు 8 కిలోల చెత్తను తీసుకుని రావాల్సిందిగా నియమాన్ని విధించింది నేపాల్ ప్రభుత్వం. ఒక పర్వతారోహకుడు సగటున 8 కిలోల చెత్తను వదిలి వేస్తారన్న అంచనాతో ఈ నిబంధన విధించారు.

ఎవరెస్టు లో చెత్తను తరలించడానికి 23 కోట్ల రూపాయలతో ప్రాజెక్టు ను అంచనా వేశారని, ప్రస్తుత పరిస్థితుల్లో అంతకంటే ఎక్కువే ఖర్చవుతుందని రాజ్ చెప్పారు. స్వచ్చంద సంస్థలు కొన్ని ఈ కార్యక్రమానికి విరాళాలిస్తున్నాయని ఆయన వివరించారు.

లైవ్ టీవి

Share it
Top