సిద్దిపేట జిల్లా హుస్నాబాద్ మార్కెట్ యార్డులో నెల రోజులైనా ధాన్యం కొనుగోళ్లు ప్రారంభించకపోవడంపై బీఆర్ఎస్ నేత అయిలేని మల్లికార్జున్ రెడ్డి, బీఎస్పీ నేత పచ్చిమట్ల రవీందర్ గౌడ్ రైతులతో కలిసి నిలదీశారు. మిల్లుల అనుసంధానం పూర్తి చేసి, ప్రైవేటు మిల్లర్ల దోపిడీని అరికట్టాలని మంత్రి పొన్నం ప్రభాకర్‌ను డిమాండ్ చేశారు.

కాకినాడ జిల్లా పెద్దాపురం మండలం కట్టమూరు కేశవ పట్టాభిరామ ఆలయానికి పూలమాలలు పంపొద్దంటూ సన్నాయి కళాకారుడు పుల్లయ్యను మాజీ చైర్మన్, వైసీపీ నేత మెడిది శ్రీనివాసరావు ఫోన్‌లో బూతులు తిట్టిన ఆడియో వైరల్ అయింది. నాయి బ్రాహ్మణ సంఘం నిరసన, బాధితుడి ఫిర్యాదుతో పోలీసులు కేసు నమోదు చేశారు.

వరంగల్ ఖమ్మం నల్గొండ పట్టభద్రుల ఎమ్మెల్సీ ఓటరు నమోదు ప్రక్రియ మరియు ఈ నెల 22న కాకతీయ డిగ్రీ కళాశాల మైదానంలో జరగనున్న కేటీఆర్ సభ జనసమీకరణపై వర్ధన్నపేట మాజీ ఎమ్మెల్యే అరూరి రమేష్ సమీక్షించారు. గ్రేటర్ వరంగల్ 13 డివిజన్లు, హసన్‌పర్తి రూరల్ మండల ముఖ్య నాయకులు ఈ సమావేశంలో పాల్గొన్నారు.

బైక్‌పై ప్రయాణిస్తున్నప్పుడు ప్రమాదం జరిగితే కంగారుపడకుండా కొన్ని ముఖ్యమైన జాగ్రత్తలు తీసుకోవాలి. ముందుగా గాయపడిన వారికి వైద్య సహాయం అందించాలి. అవసరమైతే పోలీసులకు సమాచారం ఇవ్వాలి. ప్రమాదానికి సంబంధించిన ఆధారాలను సేకరించి, వెంటనే బీమా కంపెనీకి తెలియజేయాలి. ప్రమాదం జరిగిన తర్వాత ద్విచక్ర వాహనదారులు తీసుకోవాల్సిన చర్యలు, అవసరమైన పత్రాలు, పరిహారం పొందే మార్గాల గురించి తెలుసుకుందాం.

విశాఖ జిల్లా పెందుర్తి మండలం పినగాడి గ్రామంలో సరదాగా ఈతకు వెళ్లిన ఇద్దరు పాలిటెక్నిక్ విద్యార్థులు నీటిలో మునిగి మృతి చెందారు. వితం కళాశాలలో రెండో సంవత్సరం చదువుతున్న అనకాపల్లి జిల్లాకు చెందిన ఐజాక్, పోతల సంతోష్ సెమిస్టర్ పరీక్ష అనంతరం ఈతకు వెళ్లి ప్రాణాలు కోల్పోవడంతో విషాదం నెలకొంది.

గుంటూరు పుల్లడిగుంట మలినేని లక్ష్మయ్య మహిళా ఇంజినీరింగ్ కళాశాల ఈసీఈ అధ్యాపకులు డా. టి. వెంకటరావు జేఎన్‌టీయూ విజయనగరం నుంచి డాక్టరేట్ పట్టా సాధించారు. కార్బన్ నానోట్యూబ్ ట్రాన్సిస్టర్ సాంకేతికతపై పరిశోధన చేసిన ఆయనను చైర్మన్ డా. మలినేని పేరుమాళ్లు, ప్రిన్సిపాల్ అభినందించారు.

వనపర్తి జిల్లా పెబ్బేరు మండల కేంద్రంలోని మహాత్మా జ్యోతిబా పూలే పాఠశాలలో గురువారం చెకుముకి సైన్స్ పరీక్ష ప్రశ్నపత్రాన్ని విడుదల చేశారు. మండలంలోని అన్ని పాఠశాలల్లో నిర్వహించిన ఈ పరీక్షలో సుమారు 1,600 మంది విద్యార్థులు పాల్గొన్నారు. జేవీవీ జిల్లా అధ్యక్షుడు నాగశేషు, ప్రిన్సిపాల్ కవిత తదితరులు పాల్గొన్నారు.

రాష్ట్ర ప్రభుత్వం ప్రతిష్టాత్మకంగా అమలు చేస్తున్న చేయూత పింఛన్లు పేదలకు ఆర్థిక భరోసాగా నిలుస్తున్నాయని కొమురం భీమ్ ఆసిఫాబాద్ జిల్లా కలెక్టర్ కె.హరిత అన్నారు. అర్హులైన ప్రతి ఒక్కరికీ సామాజిక భద్రత కల్పించాలనే లక్ష్యంతో ప్రభుత్వం పింఛన్లు మంజూరు చేస్తోందని తెలిపారు.

విశాఖపట్నం గాజువాక పోలీసులు సాంకేతిక పరిజ్ఞానంతో ఆటో దొంగతనం కేసును ఛేదించారు. ఈ నెల 5న సనత్ నగర్‌లో చోరీ అయిన రూ.2 లక్షల విలువైన ఆటోను స్క్రాప్ షాపులో అమ్మేందుకు వెళ్తున్న పాత నేరస్తుడు గవర శివకుమార్‌ను జగ్గు జంక్షన్ వద్ద అరెస్ట్ చేసి ఆటోను స్వాధీనం చేసుకున్నారు.

వనపర్తి జిల్లా పెబ్బేరు మండలం రంగాపురంలో ఇందిరమ్మ ఇళ్ల స్థలాలను ఎంపీడీఓ వెంకటేష్ గురువారం పరిశీలించారు. ప్రభుత్వం నిర్దేశించిన విధంగా ఇళ్ల నిర్మాణాలు చేపట్టాలని, నిర్మాణ బిల్లుల నగదును నేరుగా లబ్ధిదారుల బ్యాంకు ఖాతాల్లో జమ చేస్తామని తెలిపారు. పంచాయతీ కార్యదర్శి ప్రదీప్ కుమార్, ఉపసర్పంచ్ నందీశ్వర్ తదితరులు పాల్గొన్నారు.

శాతవాహన యూనివర్సిటీలో అక్రమంగా మట్టి తరలింపు వందలాది చెట్లు నరికివేతపై సమగ్ర విచారణ జరిపి బాధ్యులపై కఠిన చర్యలు తీసుకోవాలని తెలంగాణ రక్షణ సేన డిమాండ్ చేశారు. కరీంనగర్ లో శాతవాహన యూనివర్సిటీలో అభివృద్ధి పనుల పేరుతో జరుగుతున్న మట్టి అక్రమ తవ్వకాలు, వందలాది చెట్ల నరికివేత, వన్యప్రాణుల సహజ ఆవాసాల విధ్వంసంపై తెలంగాణ రక్షణ సేన కరీంనగర్ జిల్లా అధ్యక్షుడు గుంజపడుగు హరిప్రసాద్ తీవ్ర ఆగ్రహం వ్యక్తం చేశారు.

ప్రభుత్వాసుపత్రిలో పనిచేస్తున్న కార్మికులకు కానీ సవేతనం నెలకు 26,000 చెల్లించాలి నూనె రామస్వామి ఏఐటీయూసీ జిల్లా అధ్యక్షులు తేదీ 12 11 2024 మెడికల్ ఎంప్లాయిస్. వర్కర్స్ యూనియన్ ఆధ్వర్యంలో దేవరకొండ ఏరియా ఆసుపత్రి ముందు ధర్నా కార్యక్రమం చేయడం జరిగింది.