ఈ చిన్న చిట్కాలతో మీ గుండె 'పది'లం

రోజూ వ్యాయామం చేయలేక పోయినా.. కనీసం పది నిమిషాల పాటు కచ్చితంగా నడవడమూ మంచిదే అంటున్నారు వైద్యులు.
హార్డ్ కవర్ పుస్తకం లేదా రెండు-పౌండ్ల బరువును రోజుకు కొన్ని సార్లు ఎత్తడం మీ చేతుల కండరాలను పెంచడానికి సహాయపడుతుంది. అది మీకు అలవాటుగా మారాకా కొంచెం భారీ వస్తువులను పైకి ఎత్తడం మరింత మంచి చేస్తుంది.
పండ్లు..కూరగాయలు మంచి రుచి అందిస్తాయి. అంతే కాకుండా అవి చవకైనవి. ప్రతిరోజూ ఓ పండు తింటే అది మీ మెదడు నుండి మీ ప్రేగుల వరకు అన్నింటికీ మంచి చేస్తుంది.
మీ బ్రేక్ ఫాస్ట్ ను వోట్ మీల్.. కొన్ని పండ్లు.. లేదా తృణధాన్యాలతో చేయండి. రోజంతా ఉల్లాసంగా ఉంటుంది.
ఒక్క తీపి సోడా లేదా కూల్ డ్రింక్ ను తాగితే 100 క్యాలరీలు శక్తి వచ్చి చేరుతుంది. అంటే ప్రతిరోజూ ఒకటి తీసుకుంటే సంవత్సరంలో 5 కిలోలు బరువు పెరగడం ఖాయం. అందుకే వాటికి దూరంగా ఉండడమే మంచిది.
వాల్నట్, బాదం, వేరుశెనగ మరియు ఇతర గింజలు మీ గుండెకు మంచివి. మీకు చిరుతిండి అవసరమైనప్పుడు చిప్స్ లేదా కుకీలకు బదులుగా వీటిని కొన్నింటిని తినడానికి ప్రయత్నించండి, ఆరోగ్యకరమైన మరియు రుచికరమైన క్రంచ్ కోసం వాటిని సలాడ్లలో చేర్చండి లేదా పాస్తా మరియు ఇతర వంటలలో వీటిని వాడండి.
చేపలు లేదా ఇతర సీ ఫుడ్స్ ఆరోగ్యానికి ఎంతో మంచివి. వీటిలోని మంచి కొలెస్ట్రాల్ గుండెకు మంచిది. అందుకే చికెన్, మటన్ బదులు చేపలు తీసుకోవడం మంచింది.
మెల్లగా.. ఎక్కువ సేపు శ్వాసను తీసుకోండి. ఇలా ప్రతిరోజూ కొన్ని నిమిషాలు చేయండి ఇది మీరు రిలాక్స్ అవడానికి ఉపయోగపడుతుంది.అదేవిధంగా రక్తపోటును తగ్గిస్తుంది.
చేతులను తరచు సబ్బు నీటితో కడగడం గుండెకు మంచి చేస్తుంది. ఎందుకంటే..న్యుమోనియా, ఫ్లూ వంటి వ్యాధులు గుండెను బలహీన పరుస్తాయి. చేతులు కడుక్కోవడం ద్వారా ఫ్లూ వంటి వాటిని దగ్గరకు రాకుండా చూసుకోవచ్చు.
ప్రతి రోజూ కొన్ని నిమిషాల పాటు మీ ఇష్ట దైవాన్ని ప్రార్థించండి. అన్ని ఆలోచనలు పక్కన పెట్టి మనస్ఫూర్తిగా ప్రార్థనలో నిమగ్నం అవ్వండి. ఇది మీ ఆరోగ్యానికి మేలు చేస్తుంది. గుండెను స్వాంతన పరుస్తుంది. మీ మెదడును చురుకుగా ఉండేలా చేస్తుంది. మంచి ఆరోగ్యమే కంటె మనకు దైవం ఇచ్చే దీవెన ఏముంటుంది?