మందార పువ్వులను, కొబ్బరినూనె లేక నువ్వుల నూనెలో వేసి కాచి, ఆ నూనెను వెంట్రుకలకు పట్టించి ఒక గంట తర్వాత కుంకుడు రసంతో స్నానం చేస్తే వెంట్రుకలు రాలడం తగ్గుతుంది.

ఉసిరి రసం తీసి తలకి రాస్తే వెంట్రుకలు ఊడడం తగ్గి, జుట్టు ఒత్తుగా పెరుగుతుంది. అదేవిధంగా మందార ఆకులను మెత్తగా నూరి, తలకు బాగా పట్టించి కాసేపటి తర్వాత తలస్నానం చేస్తే జుట్టు ఊడదు.

దోస గింజలు ఎండబెట్టి, దంచి, నూనె తీసి, దాన్ని నిమ్మరసంతో కలిపి తలకు రాస్తే వెంట్రుకలు రాలడం తగ్గుతుంది.

చేమ దుంపల రసం తీసి తలకు రాస్తే జుట్టు ఊడటం ఆగిపోతుంది.

నాలుగు టీ స్పూన్ల కొబ్బరి పాలలో, ఒక స్పూను నిమ్మరసం కలిపి, తలకు బాగా పట్టించి, కాసేపయ్యాక తలస్నానం చేస్తే జుట్టు రాలదు.

ఈ చిట్కాల్లో ఎన్ని వీలైతే అన్ని పాటించాలని పరిశోధకులు చెబుతున్నారు. అందువల్ల ఎక్కువ ప్రయోజనాలు కలుగుతాయంటున్నారు. ఇంత చేసినా జుట్టు రాలడం ఆగకపోతే, డాక్టర్‌ను సంప్రదించడం సరైన మార్గమంటున్నారు పరిశోధకులు. డాక్టర్లు తగిన కారణాల్ని తెలుసుకొని, అందుకు తగిన ట్రీట్‌మెంట్ సూచిస్తారని చెబుతున్నారు.