Pregnancy : 35 ఏళ్ల తర్వాత గర్భధారణ సురక్షితమేనా? ప్రతి మహిళా తెలుసుకోవాల్సిన విషయాలివే

వయస్సు పెరిగే కొద్దీ మహిళల్లో అండాల నాణ్యత, సంఖ్య క్రమంగా తగ్గుతుంది. అందువల్ల 35 ఏళ్ల తర్వాత గర్భం దాల్చే అవకాశాలు కొంతవరకు తగ్గే అవకాశం ఉంటుంది.

ఈ వయసులో గర్భం దాల్చినప్పుడు గర్భధారణ సమయంలో వచ్చే అధిక రక్తపోటు (ప్రీ-ఎక్లాంప్సియా) వచ్చే ప్రమాదం ఎక్కువగా ఉంటుంది.

35 దాటిన గర్భిణులలో షుగర్ లెవెల్స్ పెరిగే అవకాశం (గెస్టేషనల్ డయాబెటిస్) ఎక్కువగా ఉంటుంది. దీనివల్ల బిడ్డ బరువు ఎక్కువగా పెరిగే ప్రమాదం ఉంది.

క్రోమోజోమ్‌ల లోపాలు లేదా ఇతర వయసు సంబంధిత కారణాల వల్ల 35 ఏళ్లు పైబడిన మహిళల్లో గర్భస్రావం జరిగే అవకాశాలు కాస్త పెరుగుతాయి.

కొన్ని సందర్భాల్లో 35 ఏళ్ల తర్వాత ప్రెగ్నెన్సీ వచ్చినప్పుడు, ఆరోగ్య సమస్యల రీత్యా నెలలు నిండక ముందే (ప్రీమెచ్యూర్) కాన్పు అయ్యే అవకాశాలు ఉంటాయి.

ఈ వయసులో గర్భం దాల్చడం వల్ల పుట్టబోయే శిశువులో డౌన్ సిండ్రోమ్ వంటి కొన్ని జన్యుపరమైన లేదా పుట్టుకతో వచ్చే లోపాలు తలెత్తే ముప్పు ఉంటుంది.

గర్భధారణకు ప్లాన్ చేసుకునే ముందే థైరాయిడ్, మధుమేహం, రక్తపోటు వంటి పూర్తి ఆరోగ్య పరీక్షలు చేయించుకోవడం ఎంతో ఉత్తమం.

ప్రెగ్నెన్సీ కోసం ప్రయత్నించే ముందు నుంచే వైద్యుల సలహాతో ఫోలిక్ యాసిడ్ తీసుకోవాలి. ఇది శిశువు మెదడు, వెన్నుపాము లోపాలను నివారిస్తుంది.

సురక్షితమైన గర్భధారణ కోసం సమతుల్య పోషకాహారం తీసుకోవాలి. బరువు అదుపులో ఉంచుకుంటూ, రోజూ తేలికపాటి వ్యాయామాలు, తగినంత నిద్రపోవడం అలవాటు చేసుకోవాలి.

ఈ వయసులో గర్భధారణ సాధ్యం కానదేమీ కాదు. అయితే ముందస్తు ప్రణాళిక, క్రమం తప్పకుండా వైద్యులను సంప్రదిస్తూ అవసరమైన స్కానింగ్‌లు చేయించుకుంటే తల్లి, బిడ్డ ఇద్దరూ క్షేమంగా ఉంటారు.