Happy Birthday Prahas

రెబల్ స్టార్ వారసుడు అనే ట్యాగ్ తొ టాలీవుడ్ ప్రభాస్ తో సినిమాల్లోకి వచ్చినా.. సహనంతో..తన అసమాన ప్రతిభతో .. ఒక్కో మెట్టూ ఎక్కుతూ ఇంటర్నేషనల్ స్టార్ గా ఎదిగిపోయారు. ప్రభాస్ సినీ ప్రయాణంలో క్లాస్ మాస్ బేధం లేకుండా అందరినీ అలరించే సినిమాలు చేస్తూ వచ్చారు. ప్రభాస్ ప్రస్థానం లో కొన్ని మైలు రాళ్ళు ఇవే!
ఈశ్వర్
ఈశ్వర్.. ప్రభాస్ తొలి సినిమా. ఈ సినిమతోనే టాలీవుడ్ కు మరో రెబల్ స్టార్ దొరికాడు అనిపించాడు ప్రభాస్. ఈ సినిమాలోనే అలనాటి తార మంజుల కుమార్తె శ్రీదేవి కూడా తెరంగేట్రం చేసింది. ఇద్దరు స్టార్ ల వారసుల ఎంట్రీతొ ఈశ్వర్ సినిమా కొత్తదనాన్ని ఇచ్చింది.
వర్షం
వర్షం.. ప్రభాస్ కి మొదటి బ్రేక్ ఇచ్చిన సినిమా వర్షం. ప్రభాస్ నటనలోని పలు కోణాల్ని ఈ సినిమా బయట పెట్టింది. ప్రేమికుడిగా ఎంత చక్కగా ఒదిగిపోయరో.. యాక్షన్ సీన్లలో అంతకు మించి అదరగొట్టారు.
ఛత్రపతి
ఛత్రపతి.. రాజమౌళి దర్శకత్వంలో ప్రభాస్ నిజమైన రెబల్ స్టార్ గా తలెత్తుకుని నిలబడేలా చేసింది ఈ సినిమా. ఈ సినిమాలో ఒక్కో సీన్.. ఒక్కో డైలాగ్ ఇప్పటికీ తెలుగు ప్రేక్షకులను వెంటాడుతూనే ఉంటాయి.
బుజ్జిగాడు
బుజ్జిగాడు..పూరీ జగన్నాద్ డైరక్షన్ లో అవుట్ అండ్ అవుట్ ఎంటర్టైనర్ గా బుజ్జిగాడు ప్రభాస్ లోని మరో కోణాన్ని చూపించింది. ఛత్రపతి ఇచ్చిన ఇమేజ్ కి సరిగ్గా కాంట్రాస్ట్ గా ఉండే ఇమేజ్ తెచ్చిన సినిమా బుజ్జిగాడు. ఏ జోనర్ అయినా ప్రభాస్ ఉంటె అదిరిపోతుంది అనిపించేలా చేసిన సినిమా బుజ్జిగాడు.
డార్లింగ్
డార్లింగ్..ఈ సినిమా ప్రభాస్ కి చాలా ప్రత్యేకమైనది. ప్రభాస్ అనే కాదు ప్రేమ కథా చిత్రాలలో కొత్త ఒరవడి తీసుకువచ్చింది. ముఖ్యంగా ప్రభాస్ లుక్స్ ఒక సరికొత్త హీరోని మళ్ళీ పరిచయం చేసినట్టు ప్రేక్షకులను మెస్మరైజ్ చేసింది. అందరికీ డార్లింగ్ గా మారిపోయాడు ప్రభాస్
మిస్టర్ పెర్ ఫెక్ట్
మిస్టర్ పెర్ ఫెక్ట్.. ఈ సినిమా తో టాలీవుడ్ లో ప్రభాస్ మాత్రమె మిస్టర్ పర్ ఫెక్ట్ అనేంతగా తెలుగు సినిమా ప్రేక్షకుల గుండెల్లోకి చేరిపోయాడు. ముఖ్యంగా ఫ్యామిలీ ఆడియన్స్ కి ప్రభాస్ పర్ ఫెక్ట్ హీరో అనిపించేశాడు.
మిర్చి
మిర్చి.. యువతరానికి నచ్చే లుక్క్.. యువతుల్ని గిలిగింతలు పెట్టిన లవ్ సీన్స్.. యాక్షన్ ఇష్టపడే వర్గాలకు సరికొత్త యాక్షన్ సన్నివేశాలు.. ఫ్రేం టు ఫ్రేం ప్రభాస్ ప్రేక్షకుల మనసుల్ని గెలిచేశాడు. ఇంటర్నేషనల్ స్టార్ అయ్యే అన్నిరకాల లక్షణాలూ ఈ సినిమాలోనే ప్రభాస్ లో కనిపించాయి.
బాహుబలి
బాహుబలి.. రాజమౌళి కలల సినిమాలో వీరత్వం నిండిన రాజకుమారుడిగా.. ప్రపంచాన్ని ఏలేసే హీరోగా ఎదిగిపోయాడు. బాహుబలి రెండు సిరీస్ ల కోసం ప్రభాస్ చేసిన సాహసం ఇంత వరకూ ఏ తెలుగు హీరో చేయలేదు. తన కెరీర్ లో దాదాపు ఐదు సంవత్సరాల సమయాన్ని ఈ సినిమాలకు కేటాయించారు. బాహుబలి తరువాత ప్రభాస్ ఇంటర్నేషనల్ స్టార్ అయిపోయారు.
రెబల్ స్టార్
విజయాలు ఒక్కటే ప్రభాస్ ను ఈ స్థాయిలో నిలబెట్టలేదు. తన ఈ స్థాయికి ప్రేక్షకుల ఆదరణ పొందలేకపోయినా.. ప్రభాస్ ను చక్కని హీరోగా నిలబెట్టేందుకు బిల్లా.. ఎక్ నిరంజన్.. పూర్ణిమ.. వంటి సినిమాలు ఎంతో ఉపయోగపడ్డాయి. ఇక తాజాగా ప్రభాస్ సినిమా సాహో..బాలీవుడ్ లో రికార్డులు సృష్టించింది.
Happy Birthday Prabhas
ఇప్పుడు ప్రభాస్ ఇంటర్నేషనల్ స్టార్. తెలుగు సినిమా నుంచి అంతర్జాతీయ స్థాయికి ఎదిగిన ప్రభాస్.. మరెన్నో హిట్ లతో.. మరింత ఉన్నతంగా ఎదగాలనీ.. తెలుగు సినిమా కీర్తిని మరింతగా పెంచాలనీ ఆకాంక్షిస్తూ ప్రభాస్ కు పుట్టినరోజు జేజేలు పలుకుతోంది హెచ్ఎంటీవీ!