గర్భధారణ మధుమేహానికి (Gestational Diabetes) చెక్

ఈ రోజుల్లో చాలా మంది మహిళలు గర్భం దాల్చిన తర్వాత డయాబెటిస్ బారిన పడుతున్నారు. ప్రెగ్నెన్సీ సమయంలో బ్లడ్ షుగర్ లెవెల్స్ అదుపులో ఉండాలన్నా, గర్భధారణ డయాబెటిస్ రాకుండా ముందే జాగ్రత్త పడాలన్నా గర్భిణీలు క్రమం తప్పకుండా జామపండును తమ డైట్‌లో చేర్చుకోవాలి.

జామపండులో విటమిన్ 'సి' తో పాటు శరీరానికి అవసరమైన విటమిన్లు, ఖనిజాలు పుష్కలంగా ఉంటాయి. ఇవి గర్భిణీ స్త్రీలలో ఇమ్యూనిటీ పవర్‌ను ఎంతగానో పెంచుతాయి. ముఖ్యంగా చలికాలంలో వచ్చే రకరకాల ఇన్ఫెక్షన్లు, సీజనల్ వ్యాధుల బారిన పడకుండా ఇది శరీరాన్ని కాపాడుతుంది.

గర్భిణీ స్త్రీల శరీరానికి ఐరన్ (ఇనుము) అత్యంత అవసరం. జామపండులో ఐరన్ అధిక మోతాదులో ఉంటుంది. ఇది శరీరంలో ఎర్ర రక్త కణాల ఉత్పత్తిని పెంచి, ప్రెగ్నెన్సీ సమయంలో సాధారణంగా వచ్చే రక్తహీనత (Anemia) సమస్యను దూరం చేస్తుంది.

గర్భవతుల శరీరంలో నీటి శాతం తగ్గకుండా ఉండటం చాలా ముఖ్యం. జామపండులో నీటి శాతం ఎక్కువగా ఉంటుంది. ఇది శరీరంలో ద్రవాలను (Body Fluids) సమతుల్యంగా ఉంచడంలో సహాయపడుతుంది మరియు డీహైడ్రేషన్ బారిన పడకుండా చూస్తుంది.

ప్రెగ్నెన్సీ సమయంలో హార్మోన్ల మార్పుల వల్ల చాలా మంది మహిళలు మలబద్ధకం (Constipation) సమస్యతో బాధపడుతుంటారు. జామపండులో ఉండే డైటరీ ఫైబర్ (పీచు పదార్థం) జీర్ణక్రియను మెరుగుపరిచి, మలబద్ధకం సమస్యను చాలా సులభంగా తగ్గిస్తుంది.

జామపండు తినడం వల్ల రక్తపోటు (BP) అదుపులో ఉంటుంది. దీనివల్ల గుండె ఆరోగ్యం మెరుగ్గా ఉంటుంది. అలాగే ఇందులో ఉండే విటమిన్ 'ఎ' వల్ల కంటి చూపు మెరుగవుతుంది. అంతేకాకుండా చలికాలంలో దీని ద్వారా శరీరానికి అవసరమైన విటమిన్ 'డి' కూడా అందుతుంది.

రసాయనాల ముప్పు: జామపండ్లను నిల్వ చేయడానికి రసాయనాలు వాడుతుంటారు కాబట్టి తినే ముందు బాగా కడగాలి, లేదంటే అలర్జీలు రావచ్చు. ఉప్పు వద్దు: జామపండుపై ఎక్కువ ఉప్పు చల్లుకుని తినకూడదు, ఇది కడుపులోని బిడ్డకు మంచిది కాదు. ఫ్రిజ్ నిల్వలు వద్దు: జామపండ్లను ఫ్రిజ్‌లో పెట్టి తినడం వల్ల జలుబు, దగ్గు వచ్చే ప్రమాదముంది. అలాగే మోతాదు మించితే సైడ్ ఎఫెక్ట్స్ వచ్చే అవకాశం ఉందని నిపుణులు హెచ్చరిస్తున్నారు.