1) ముందుగా ప్రణాళిక వేసుకోండి

బోనస్‌ అందగానే ఖర్చు చేయకుండా కనీసం 30 రోజులు ఆగండి. కుటుంబ అవసరాలు, అప్పులు, పొదుపులను పరిశీలించి బడ్జెట్‌ రూపొందించుకోండి.

2) అనవసర కొనుగోళ్లు వద్దు పండగ ఆఫర్లకు ఆకర్షితులై అవసరం లేని వస్తువులు కొనకండి. నిజంగా అవసరమైన వాటికే ప్రాధాన్యత ఇవ్వండి.

3) క్రెడిట్‌ కార్డు బాకీలు తీర్చండి క్రెడిట్‌ కార్డు బకాయిలపై అధిక వడ్డీ పడుతుంది. అందుకే పెట్టుబడుల కంటే ముందుగా ఈ అప్పులను తగ్గించుకోవడం మంచిది.

4) వ్యక్తిగత రుణాలు తగ్గించుకోండి పర్సనల్‌ లోన్లు ఉన్నవారు బోనస్‌లో కొంత మొత్తాన్ని ముందస్తు చెల్లింపులకు ఉపయోగించవచ్చు. దీనివల్ల భవిష్యత్తులో వడ్డీ భారం తగ్గుతుంది.

5) అత్యవసర నిధి ఏర్పాటు చేయండి కనీసం ఆరు నెలల కుటుంబ ఖర్చులకు సరిపడా నిధిని సిద్ధం చేసుకోండి. ఆదాయం స్థిరంగా లేకపోతే 9 నుంచి 12 నెలల ఖర్చులకు సరిపడా ఉంచుకోవాలి.

6) ఆరోగ్య బీమా తీసుకోండి కంపెనీ అందించే బీమాపైనే ఆధారపడకుండా సొంత హెల్త్‌ ఇన్సూరెన్స్‌ తీసుకోండి. కుటుంబ అవసరాలకు తగిన కవరేజీని ఎంచుకోండి.

7) టర్మ్‌ ఇన్సూరెన్స్‌ను పరిశీలించండి కుటుంబ బాధ్యతలు ఉన్నవారు తగిన టర్మ్‌ ఇన్సూరెన్స్‌ తీసుకోవాలి. అనుకోని పరిస్థితుల్లో కుటుంబానికి ఆర్థిక రక్షణ లభిస్తుంది.

8) పెట్టుబడులు ప్రారంభించండి అప్పులు, అత్యవసర నిధి అవసరాలు పూర్తి చేసిన తర్వాత మిగిలిన మొత్తాన్ని పెట్టుబడి పెట్టండి. ఫిక్స్‌డ్‌ డిపాజిట్లు, మ్యూచువల్‌ ఫండ్లను పరిశీలించవచ్చు.

9) పిల్లల భవిష్యత్తుకు పొదుపు పిల్లల ఉన్నత విద్య, ఇతర అవసరాల కోసం ప్రత్యేక నిధిని ఏర్పాటు చేయండి. ఇప్పటి నుంచే చిన్న మొత్తాలతో పొదుపు ప్రారంభించండి.

10) ఆనందానికి కూడా బోనస్‌ మొత్తాన్ని పూర్తిగా పొదుపు చేయాల్సిన అవసరం లేదు. కుటుంబంతో పండగ జరుపుకోవడానికి, కొత్త నైపుణ్యాలు నేర్చుకోవడానికి కొంత కేటాయించండి.