మానవత్వం చూపించిన యూత్ .. అమర జవాన్ కుటుంబానికి ఇల్లు కట్టించారు ..

నిజానికి అ కుటుంబాన్ని ప్రభుత్వం ఆదుకోవాలి . కానీ అ కుటుంబ పరిస్థితిని చూసి యువత చలించిపోయి అ కుటుంబాన్ని ఆదుకొని ఆదర్శంగా నిలిచింది . ఓ అమర జవాన్ కుటుంబానికి ఇల్లు కట్టించి 73 వ స్వాతంత్య్ర దినోత్సవం సందర్భంగా వారికీ అ ఇంటిని కానుకగా ఇచ్చారు .. ఈ సంఘటన మధ్యప్రదేశ్ లో చోటు చేసుకుంది . మధ్యప్రదేశ్ లోని ఇండోర్ లోని బెట్మా గ్రామానికి చెందిన మోహన్ సింగ్ అనే జవాన్ 1992 లో విధి నిర్వహణలో భాగంగా తన ప్రాణాలను కోల్పోయాడు . కానీ ఆయనది పేద కుటుంబం .. పూరి గుడిసెలో అతని కుటుంబం నివాసం ఉండేవారు . మోహన్ సింగ్ చనిపోయే నాటికీ అతనికి మూడేళ్ళ కొడుకు మరియు అతని భార్య గర్భిణిగా ఉంది . అతను చనిపోవడంతో కుటుంబ భారం మొత్తం తన భార్య మీద పడింది .

అయితే కొద్దిరోజులు క్రితం వర్షాలు దాటికి అ ఉన్న పూరి గుడిసె కూడా కూలిపోయింది . దీనితో అతని కుటుంబానికి నీడ అన్నది లేకుండా పోయింది . ఇది చూసి చలించి పోయిన అ గ్రామంలోని యువత ముందుకు వచ్చి "ఒక చెక్కు-ఒక సంతకం" అనే కార్యక్రమాన్ని చేపట్టింది ... ఈ కార్యక్రమం కింద మొత్తం 11 లక్షలు సేకరించి మొత్తం 10 లక్షల రూపాయలతో అమర జవాన్ ఇంటికి కొత్త ఇల్లు కట్టించారు . మోహన్ సింగ్ భార్యను తమ చేతులమీదిగా కొత్త ఇంట్లోకి నడిపించి స్వాగతం పలికారు . ఇక మిగిలిన డబ్బుతో గ్రామంలో మోహన్ సింగ్ విగ్రహాన్ని ప్రతిష్టించాలని నిర్ణయం తీసుకున్నారు . అయితే ఈ సందర్భంగా మోహన్ సింగ్ భార్య అ గ్రామంలోని యూత్ కి రాఖీ కట్టి ధన్యవాదాలు తెలిపింది ..

#WATCH Indore: Youth in Betma village presented new house y'day to wife of soldier Mohan Singh(who lost his life in 1992 in Assam).She had been living in 'kuccha' house till now. They also placed their hands on the ground in respect to help her enter the house for the first time pic.twitter.com/wp3mSM3lWZ

— ANI (@ANI) August 16, 2019