మేక్ ఇన్ ఇండియాలో భాగంగా పూర్తి స్వదేశీ పరిజ్ఞానంతో తయారైన ట్రైన్ 18కు పేరు పెట్టింది కేంద్రం. ఈ రైలును వందే భారత్ ఎక్స్ప్రెస్గా పిలవనున్నట్టు...
మేక్ ఇన్ ఇండియాలో భాగంగా పూర్తి స్వదేశీ పరిజ్ఞానంతో తయారైన ట్రైన్ 18కు పేరు పెట్టింది కేంద్రం. ఈ రైలును వందే భారత్ ఎక్స్ప్రెస్గా పిలవనున్నట్టు కేంద్ర రైల్వేశాఖ మంత్రి పీయూష్ గోయల్ ప్రకటించారు. ప్రధానమంత్రి నరేంద్రమోడీ త్వరలోనే ఈ రైలుకు పచ్చజెండా ఊపనున్నారు. దీని గరిష్ఠ వేగం గంటకు 180 కిలోమీటర్లు. ఈ రైలు ఢిల్లీ-వారణాసి మధ్య గంటకు 160 కిలోమీటర్ల వేగంతో ప్రయాణిస్తుందని ఆయన తెలిపారు. 16 కోచ్లు కలిగిన ఈ ట్రైన్ను అత్యాధునిక హంగులతో తీర్చిదిద్దారు. పూర్తి ఏసీ(ఎయిర్ కండీషన్డ్) సదుపాయం ఉన్న ఈ రైలు కాన్పూర్, అలహాబాద్లో మాత్రమే ఆగుతుందని పీయూష్ గోయల్ వెల్లడించారు.
కాగా ట్రైన్ 18కు ఏ పేరు పెట్టాలని ప్రజాభిప్రాయ సేకరణ కోరగా, వేల సంఖ్యలో పేర్లు వచ్చాయి. చివరకు వందే భారత్ ఎక్స్ప్రెస్గా నామకరణం చేసినట్టు చెప్పారాయన. 2019 గణతంత్ర దినోత్సవం సందర్భంగా ప్రజలకు అందిస్తున్న బహుమతి ఇదని చెప్పారు. ఇక ఈ ట్రైన్లో ప్రయాణ ఛార్జీలు ఎగ్జిక్యూటివ్ క్లాస్ ఛార్జీలు 2 వేల 800 రూపాయల నుంచి 2 వేల 900 రూపాయల మధ్య ఉండగా.. చైర్ కార్ 1600 నుంచి 1700 రూపాయలు ఉంటుందని సమాచారం
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire