పాక్ మరోసారి వక్రబుద్ధి.. పేల్చేసిన భారత్..

కొన్నిరోజులుగా సరిహద్దు రేఖ వెంబడి కాల్పుల విరమణ ఒప్పందానికి తూట్లు పొడుస్తున్న పాకిస్థాన్ తాజాగా మరో వక్రబుద్ధి ప్రదర్శించింది. బికనీర్ నల్ సెక్టార్‌లోకి డ్రోన్‌ను పంపించింది. దీంతో అప్రమత్తమైన భారత వైమానిక దళం ఈ చర్యను సమర్థవంతంగా తిప్పికోట్టింది.. భారత భూభాగంలోకి అక్రమంగా వచ్చిన పాక్ డ్రోన్‌ను కూల్చేసింది. నల్ సెక్టార్‌లోకి వచ్చిన డ్రోన్‌ను రక్షణ రాడార్ గుర్తించిన వెంటనే.. ఇండియన్ సుఖోయ్ - 30ఎంకేఐ దాన్ని పేల్చేసింది.

ఈ ఘటన మధ్యాహ్నం 12 గంటల ప్రాంతలో జరిగినట్టు సమాచారం. కాగా డ్రోన్‌కు సంబంధించిన శకలాలు పాక్ భూభాగంలో పడినట్టు భద్రత వర్గాలు భావిస్తున్నాయి. కాగా గతవారం గుజరాత్‌ కచ్ ప్రాంతంలో నలియా ఎయిర్ బేస్ లో పాక్ డ్రోన్‌ను భారత్ కూల్చివేసింది.