మధ్యప్రదేశ్ ప్రభుత్వం సంచలన నిర్ణయం తీసుకుంది. నీటి హక్కు చట్టాన్ని అమలు చేయాలని ప్రణాళికలు సిద్ధం చేస్తోంది. ఈ చట్టం ప్రకారం ప్రతి మనిషికి రోజుకు...
మధ్యప్రదేశ్ ప్రభుత్వం సంచలన నిర్ణయం తీసుకుంది. నీటి హక్కు చట్టాన్ని అమలు చేయాలని ప్రణాళికలు సిద్ధం చేస్తోంది. ఈ చట్టం ప్రకారం ప్రతి మనిషికి రోజుకు 55లీటర్ల చొప్పున సరఫరా చేస్తారు. నీటి వృథాను అరికట్టి సమస్య ఉన్న ప్రాంతాలకు మిగులు జలాలను పంపిస్తారు. దీనికోసం జూన్ 24న భోపాల్లో సెమినార్ కార్యక్రమాన్ని ఏర్పాటు చేస్తారు. ఆ రాష్ట్ర నీటి పారుదల శాఖ మంత్రి రాజేందర్ సింగ్తో పాటు న్యాయ నిపుణులు సంజయ్ ఉపాధ్యాయ, రాష్ట్ర వ్యాప్తంగా వివిధ ప్రాంతాల నుంచి ప్రజలు పాల్గొంటారు. ఒక వేళ ఈ చట్టాన్ని అమలు పరిస్తే నీటి హక్కు చట్టాన్ని తీసుకొచ్చిన మొదటి రాష్ట్రంగా మధ్య ప్రదేశ్ నిలుస్తుందని ఆ రాష్ట్ర ఆరోగ్య శాఖ మంత్రి సుఖ్దేవ్ పెన్సాయ్ తెలిపారు.ఇప్పటికే ఈ చట్టాన్ని తీసుకురావాల్సింది కానీ ప్రజాభిప్రాయాన్ని సేకరించడంతో ఆలస్యమైంది. ఎండాకాలంలో నీటి ఎద్దడి పెరగడంతో ఈ చట్టాన్ని తీసుకువస్తున్నట్లు మంత్రి తెలిపారు. ప్రస్తుతం తమిళనాడు నీటి కరవుతో అల్లాడుతున్న విషయం తెలిసిందే. ఈ పరిస్థితి మధ్యప్రదేశ్కు తలెత్తకూడదన్న ఉద్దేశంతో ముందుగానే అప్రమత్తమవుతున్నట్లు ఆ రాష్ట్ర ముఖ్యమంత్రి కమల్నాథ్ తెలిపారు. జీవించే హక్కులో నీటిహక్కు కూడా భాగమే. రాజ్యాంగంలోని ఆర్టికల్ 21లో ఉన్న జీవించే హక్కు చట్టం పరిధిలోకే ఈ నీటి హక్కు చట్టం కూడా రానుంది.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire