చిన్ననాటి స్నేహితురాలిని పెళ్లిచేసుకున్న హార్ధిక్‌

పటేల్ రిజర్వేషన్ల ఉద్యమ నేత హార్ధిక్‌ పటేల్‌ ఓ ఇంటివాడయ్యాడు. ఆయన తన చిన్ననాటి స్నేహితురాలు కింజల్‌ పారిక్‌ తో ఏడడుగులు వేశాడు. కేవలం బంధువులు, స్నేహితుల మధ్య వీరి వివాహం నిరాడంబరంగా జరిగింది. కాగా కింజాల్‌, తాను ప్రేమించుకున్న విషయాన్ని హార్ధిక్‌ ఇదివరకే వెల్లడించాడు. తొలుత కింజల్‌ తనకు ప్రపోజ్‌ చేసిందన్న హార్ధిక్‌..

పెళ్లి విషయాన్నీ పెద్దలతో చర్చించామని.. వారి అంగీకారంతో పెళ్లి చేసుకుంటున్నట్టు తెలిపారు. ఇదిలావుంటే ఆదివారం వివాహం అనంతరం హార్ధిక్‌ పటేల్‌ మాట్లాడుతూ.. 'నా కుటుంబ జీవితంలో ఇది రెండో ఇన్నింగ్స్‌. ప్రతి ఒక్కరు సమాన అవకాశాలు పొందాలనేదే నా కోరిక. పురుషులకు, మహిళలకు సమాన హక్కులు ఉంటాయని.. నేను నా భార్యకు ప్రామిస్‌ చేశాను. ఇకపై మేమిద్దరం ఈ దేశ నవ నిర్మాణం కోసం పోరాడతామ' అంటూ మాట్లాడారు.