Disco Raja: డిస్కోరాజా ఎందుకు చూడాలంటే?

రాజా ది గ్రేట్ సినిమా తర్వాత సరైనా హిట్ కొట్టలేకపోయాడు హీరో రవితేజ.. ప్రస్తుతం డిస్కోరాజా సినిమాతో ప్రేక్షకుల ముందుకు రాబోతున్నాడు. ఈ సినిమాని గణతంత్ర దినోత్సవం సందర్భంగా జనవరి 24 న రిలీజ్ చేస్తున్నారు. రామ్ తాళ్లూరి ఈ సినిమాని భారీ బడ్జెట్ తో తెరకెక్కించారు. ఇప్పటికే రిలీజ్ అయిన టీజర్స్ సినిమాపైన మంచి అంచనాలను క్రియేట్ చేసాయి. అయితే ఈ సినిమాలోని ఏఏ అంశాలు ప్రేక్షకులను ఆకట్టుకుంటున్నాయో ఇప్పుడు చూద్దాం. !

రవితేజ :

హీరో రవితేజ ఎనర్జీ గురించి ప్రధానంగా చెప్పాల్సిన పనిలేదు. అయన సినిమాలలో మంచి ఎనర్జీని కనబరుస్తూ ఉంటాడు రవితేజ.. కామెడీ టైమింగ్, యాక్షన్ సన్నివేశాలలో రవితేజ నటన బాగుంటుంది. ఇక ఈ సినిమా విషయానికి వచ్చేసరికి మాస్ మహరాజ్‌ మొత్తం మూడు డిఫరెంట్ లుక్స్‌లో కనిపించనున్నాడు. అయితే ఇది ఒకే పాత్ర లేక డిఫిరెంట్ షేడ్స్ ఉన్న పాత్ర అన్నది సినిమా చూసి తెలుసుకోవాలి.

విఐ ఆనంద్‌ :

ఒకే రకమైన మూస కథలు కాకుండా వైవిధ్యమైన చిత్రాలను తెరకేక్కిస్తుంటారు దర్శకుడు విఐ ఆనంద్‌.. అందులో భాగంగానే ఎక్కడికి పోతావు చిన్నవాడా, ఒక్క క్షణం లాంటి సినిమాలు వచ్చి మంచి విజయాన్ని అందుకున్నాయి. ప్రస్తుతం డిస్కోరాజా సినిమాని కూడా ఓ వైవిధ్యమైన కథతో తెరకెక్కించాడు. సైన్స్‌ ఫిక్షన్‌ కాన్సెప్ట్‌తో పీరియాడిక్‌ జానర్‌లో ఈ సినిమా కథనం సాగుతుందని తెలుస్తోంది.

ముగ్గురు హీరోయిన్స్ :

ఈ సినిమాలో రవితేజతో ముగ్గురు హీరోయిన్స్ రొమాన్స్ చేయనున్నారు. ఇస్మార్ట్ భామ నభా నటేష్‌, పాయల్‌ రాజ్‌పుత్‌, తాన్యా హోపే ఈ సినిమాలో హీరోయిన్స్ గా నటిస్తున్నారు. ఇందులో పాయల్‌ రాజ్‌పుత్‌ పాత్రకి ఎక్కువ ప్రాధాన్యత ఉన్నట్టుగా తెలుస్తోంది. ఇక రవితేజ కూడా మొదటిసారి ముగ్గురు హీరోయిన్స్ తో కలిసి నటిస్తున్నాడు.

బాబీ సింహా :

తెలుగు ప్రేక్షకులకి పెద్దగా పరిచయం లేని నటుడు కానీ విలక్షణమైన నటుడుగా ఆయనకి మంచి పేరుంది. వరుణ్ తేజ్ హీరోగా వచ్చిన గద్దలకొండ గణేష్ సినిమాలో వరుణ్ తేజ్ పాత్రను పోషించింది ఆయనే.. ఈ సినిమాలో విలన్ పాత్రలో కనిపిస్తున్నాడు.

తమన్ :

వరుస హిట్స్ తో మంచి దూకుడు మీదా ఉన్న తమన్ ఈ సినిమాకి మ్యూజిక్ అందించాడు. ఈ సినిమాకి అందించిన పాటలు మంచి విజయాన్ని అందుకున్నాయి. ఇందులో " నువ్వు నాతో ఏం అన్నావో, ఢిల్లీ వాలా" పాటలు టాప్‌లో ట్రెండ్ అవుతున్నాయి. సినిమా నేపధ్య సంగీతం కూడా బాగుండి సినిమాకి ప్లస్ అవుతుందని అనుకుంటున్నారు.