Bheeshma: 'వాటే బ్యూటి' వీడియో ప్రోమో వచ్చేసింది!

యంగ్ హీరో నితిన్ కన్నడ బ్యూటి రష్మిక మందన్నా కలిసి నటిస్తున్న తాజా చిత్రం 'భీష్మ'.. ఇప్పటికే రిలీజైన సినిమా టీజర్, సాంగ్స్ సినిమాపైన మంచి అంచనాలను కలగజేశాయి. తాజాగా ఈ సినిమాకి సంబంధించిన 'వాటే బ్యూటి' సాంగ్ వీడియో ప్రోమోని చిత్ర బృందం విడుదల చేసింది. ఈ వీడియో ప్రోమోలో నితిన్, రష్మిక జంట బాగుంది. అంతేకాకుండా డాన్స్ పరంగా నితిన్ కి ఎక్కడ కూడా తగ్గకుండా రష్మిక మందన్నా కూడా ఆదరగోట్టింది. జాని మాస్టర్ ఈ పాటని కంపోజ్ చేశారు. కాసర్ల శ్యామ్ లిరిక్స్ ని అందించాడు.

ఛలో ఫేం వెంకీ కుడుముల దర్శకత్వంలో తెరకెక్కుతున్న ఈ చిత్రాన్ని సితార ఎంటర్ టైన్ మెంట్స్ ఫై నాగ వంశీ నిర్మిస్తుండగా మణిశర్మ కుమారుడు మహతి సాగర్ సంగీతం అందిస్తున్నారు.సంపత్, బ్రహ్మాజీ, వెన్నల కిషోర్, రఘుబాబు, నరేష్ ముఖ్యపాత్రలు పోషిస్తున్నారు. రొమాటింక్ కామెడీ ఎంటర్ టైనర్ గా ఈ సినిమా ఫిబ్రవరి 21 న ప్రేక్షకుల ముందుకు వస్తుంది. సినిమాపైన భారీ అంచనాలు ఉన్నాయి.

ఈ సినిమాతో పాటు విభిన్నమైన కథలు తెరకెక్కించే చంద్రశేఖర్ ఏలేటి దర్శకత్వంలో ఓ సినిమాని, తొలిప్రేమ ఫేం వెంకీ అట్లూరి దర్శకత్వంలో రంగ్ దే చిత్రంలో నటిస్తున్నాడు. రంగ్ దే చిత్రంలో నితిన్ కి జోడిగా కీర్తి సురేష్ నటిస్తోంది. ఇక కృష్ణ చైతన్య దర్శకత్వంలో ఓ సినిమాని చేసేందుకు పిక్స్ అయ్యాడు నితిన్.. ఈ సినిమాలు ఈ సంవత్సరంలో విడుదల చేయనున్నారు.