విజయ్ ...ఫస్ట్ లుక్ కాపీ పోస్టరేనా?

పెళ్లి చూపులు సినిమాతో టాలీవుడ్ లో హీరోగా ఎంట్రీ ఇచ్చిన విజయ్ దేవరకొండ ... అర్జున్ రెడ్డి , గీతా గోవిందం సినిమాలతో స్టార్ హీరోగా ఎదిగాడు. ఈ క్రమంలో విజయ్ కి ఫాన్స్ ఫాలోయింగ్ వీపరీతంగా పెరిగిపోయింది. ఇటు విజయ్ కూడా తన సినిమాలను కూడా పక్కా భాషలో విడుదల చేస్తూ తన రేంజ్ ని పెంచుకుంటూ వెళ్తున్నాడు . ఈ క్రమంలో వచ్చిన డియర్ కామ్రేడ్ సినిమా ఆశించిన స్థాయిలో మెప్పించలేకపోయింది.

ప్రస్తుతం విజయ్ క్రాంతి మాధవ్ దర్శకత్వంలో 'వరల్డ్ ఫేమస్ లవర్' అనే సినిమా చేస్తున్నాడు. ఈ సినిమాని 'క్రియేటివ్ క‌మ‌ర్షియల్స్' బ్యాన‌ర్‌ పై కె.ఎ.వ‌ల్ల‌భ నిర్మిస్తున్నారు. తాజాగా సినిమాకి సంబంధించిన ఫస్ట్ లుక్ ని విడుదల చేసారు . ఈ సినిమాలోని విజయ్ లుక్ కాపీ అని సోషల్ మీడియాలో ఓ వార్త హల చల్ చేస్తుంది . "చార్లెస్ అజ్నవౌర్ -ల బొహేమి (భౌభౌ రీమిక్స్ )" అంటూ యూట్యూబ్ లో ఒక సాంగ్ ఉంది. అందులోని ఓ పోస్టర్ లో ఉండే హీరో లుక్ సేమ్ విజయ్ లుక్ లాగే ఉండడంతో విజయ్ కొత్త లుక్ కాపీ అని ప్రచారం నడుస్తుంది. మరి దీనిపైన చిత్ర యూనిట్ ఎలా స్పందిస్తుందో చూడాలి మరి