సైరా చూసి మనం నేర్చుకోవాల్సిందే అదే.. తమన్నా పై ఉపరాష్ట్రపతి ప్రశంసలు..

మెగాస్టార్ చిరంజీవి డ్రీం ప్రాజెక్ట్ గా సైరా ప్రేక్షకుల ముందుకు వచ్చింది. సినిమాకి మంచి టాక్ రావడంతో కలెక్షన్ల పరంగా సైరా దూసుకుపోతుంది. ఈ నేపధ్యంలో మెగాస్టార్ ప్రముఖ రాజకీయ నేతలతో వరుసగా భేటి అవుతూ వస్తున్నారు. సినిమాని చూడాలని కోరుతున్నారు. అందులో భాగంగానే ఏపీ సీఎం జగన్ ని కలిసారు చిరంజీవి. ఆ తర్వాత ఢిల్లీకి వెళ్లి ఉపరాష్ట్రపతి వెంకయ్యనాయుడుని కలిసారు ..

వెంకయ్యనాయుడు కోసం సైరా స్పెషల్ షో వేసారు. చిరంజీవితో కలిసి సినిమాని వీక్షించిన వెంకయ్య అనంతరం మీడియాతో ముచ్చటించారు. సైరా చిత్రం బాగుందని, చిరంజీవి చాలా అద్భుతంగా నటించారని కొనియాడారు. ఈ సినిమాలో అద్భుతమైన మెసేజ్ ఉందని అన్నారు. మనలో మనకి పడకపోవడం, ఐకమత్యం లోపించడం వల్లే బ్రిటిష్ వాళ్ళు మన దేశాన్ని ఆక్రమించారు. ఆ అంశాలని సైరాలో చాలా చక్కగా చూపించారని వెంకయ్య కొనియాడారు.

అనంతరం హీరోయిన్ తమన్నా గురించి మాట్లాడిన వెంకయ్య సైరా చిత్రంలో ఆ అమ్మాయి వీరవనితగా అద్భుతంగా నటించిందని అన్నారు. గతంలోకూడా తమన్నాని నేను చూశానని అన్నారు. నయనతార కూడా చాలా బాగా నటించిదని అన్నారు. సైరా సినిమాని రామ్ చరణ్ భారీ బడ్జెట్ తో తెరకేక్కించగా సురేందర్ రెడ్డి దర్శకత్వం వహించారు. ఈ సినిమా ఈ నెల 2న ప్రేక్షకుల ముందుకు వచ్చింది.

ఊరువాడ చూడదగిన ఉత్తమ చిత్రం 'సైరా'. చాలా కాలం తర్వాత చక్కని, ప్రేరణా దాయకమైన చిత్రం చూసే అవకాశం లభించింది. వలస పాలకుల దుర్మార్గాలను చాలా చక్కగా చిత్రీకరించారు. నిర్మాత, నటీనటులు, దర్శకుడు, సాంకేతిక నిపుణులు అందరికీ అభినందనలు. #SyraaNarashimaReddy pic.twitter.com/rUJrM353Dv

— VicePresidentOfIndia (@VPSecretariat) October 16, 2019