ఉప్పెన‌లా దూసుకొస్తున్న మెగా మేన‌ల్లుడు!

ఇప్పటికే మెగా మేనల్లుడుగా సాయి ధరమ్ తేజ్ టాలీవుడ్ లోకి ఎంట్రీ ఇచ్చాడు. ఇక సాయి ధరమ్ తేజ్ తమ్ముడిగా సినిమాల్లోకి ఎంట్రీ ఇస్తున్నాడు వైష్టవ్‌ తేజ్‌.. వైష్టవ్‌ తేజ్ మొదటి సినిమాగా 'ఉప్పెన' తెరకెక్కుతుంది. ఈ సినిమాని మైత్రి మూవీ మేకర్స్ నిర్మిస్తుండగా సుకుమార్ దగ్గర అసోసియేట్‌గా పనిచేసిన బుచ్చిబాబు సాన ఈ సినిమాతో దర్శకుడిగా ఇండస్ట్రీకి పరిచయమవుతున్నాడు. ఇప్పటికే సినిమా ప్రారంభోత్సవం సందర్భంగా చేపలు పట్టే యువకుడిగా ఓ లుక్ ని బయటపెట్టిన చిత్ర బృందం ఈ రోజు సినిమాకి సంబంధించిన ఫస్ట్ లుక్ ని రిలీజ్ చేసింది.

ఈ పోస్టర్ లో వైష్ణవ్ తేజ్ సముద్రం వైపు చేతులు చాపి బిగ్గరగా కేక వేస్తూ కనిపించాడు. ఈ సినిమాలో వైష్ణవ్‌ తేజ్ సరసన కృతి శెట్టి హీరోయిన్ గా నటిస్తోంది. తమిళ నటుడు విజయ్ సేతుపతి ఓ నెగిటివ్ రోల్ లో కనిపిస్తున్నాడు.సాయి చంద్‌, బ్రహ్మాజీలు ఇతర కీలక పాత్రల్లో నటిస్తున్నారు. ప్రస్తుతం షూటింగ్ జరుపుకుంటున్న ఈ సినిమాని ఏప్రిల్‌ 2న రిలీజ్ చేసేందుకు ప్లాన్‌ చేస్తున్నారు. దేవి శ్రీ ప్రసాద్ సంగీతం అందిస్తున్నాడు. సినిమాపైన భారీ అంచనాలు ఉన్నాయి.

Presenting the First Look of #Uppena 🌊

Experience the Ocean of Love in Theatres from April 2nd, 2020 ❤️#UppenaOnApril2nd#UppenaFirstLook 🌊

Introducing actors #PanjaVaisshnavTej, #KrithiShetty and Director #BuchiBabuSana 😊

A Rockstar @ThisIsDSP Musical 🎶 pic.twitter.com/8zDGKQZ4aM

— Mythri Movie Makers (@MythriOfficial) January 23, 2020