'సైరా' గురించి సెలబ్రిటీలు ఏమన్నారంటే... !

ఎంతో ప్రతిష్టాత్మకంగా చిరంజీవి సైరా సినిమా తెరకెక్కింది. రామ్ చరణ్ భారీ బడ్జెట్ తో సినిమాని తెరకేక్కించగా, సురేందర్ రెడ్డి దర్శకత్వం వహించారు. విడుదలైన మొదటి షో నుండే సినిమాకి పాజిటివ్ టాక్ రావడంతో సినిమా దూసుకుపోతుంది. ఈ సినిమాకి ప్రేక్షుకులు మాత్రమే కాదు సినిమా సెలెబ్రిటీలు సైతం ఫిదా అవుతున్నారు. సినిమా గురించి ఎవరెవరు ఎం ఎం అన్నారంటే... !

సైరాలో ఉయ్యాలవాడ నరసింహరెడ్డి పాత్రలో చిరంజీవి గారి నటన అద్భుతం,అమోఘం.. చరిత్ర మరిచిన వీరుడి కథను తన అద్భుతమైన నటనతో మళ్ళీ గుర్తు చేసారు. రామ్ చరణ్, సురేందర్ రెడ్డికి అభినందనలు : రాజమౌళి

విజువల్ పరంగా సైరా సినిమా చాలా బాగుంది. రిచ్ గా సినిమాని ఆవిష్కరించారు. సురేందర్ రెడ్డి, రామ్ చరణ్ చిత్రబృందానికి అభినందనలు.. సినిమాలో రత్నవేలు సినిమాటోగ్రఫీ బాగుంది.రీసెంట్ టైంలో చూసిన ది బెస్ట్ ఇదే : మహేష్ బాబు

స్వాతంత్ర సమరయోధుడి కథను అద్భుతంగా తెరకెక్కించిన సురేందర్ రెడ్డికి కంగ్రాట్స్, సినిమాని చాలా అద్భుతంగా, అంకితభావంతో తెరకెక్కించిన రామ్ చరణ్ కి అభినందనలు.. నయనతార,తమన్నా నటన బాగుంది : శ్రీను వైట్ల

పదునాలుగేళ్ల మా కలను సాకారం చేసిన మెగా స్టార్ కి, ఆయన కడుపున పుట్టిన పులి బిడ్డ రామ్ చరణ్ కి, వందనం ! అభివందనం ! నిద్ర లేని రాత్రులు గడిపి, ఈ చిత్రం ఘన విజయం సాధించడానికి కారకుడైన సురేంద్ర రెడ్డి కి, సాంకేతిక నిపుణలకు, నటీ నటులకు నమో నమః జై చిరంజీవా జైజై సైరా... : పరుచూరి గోపాలకృష్ణ

'ఈ రోజు చరిత్ర మళ్లీ పుట్టింది.. చిరంజీవి అయ్యింది.. చిత్ర యూనిట్‌కు హ్యాట్సాఫ్‌ : హరీష్ శంకర్

సైరాలో మెగాస్టార్ ఫెర్ఫార్మెన్స్ లెజెండరీగా నిలిచింది. సురేందర్ రెడ్డి చరిత్రను వెండితెర పై చాలా అద్భుతంగా ఆవిష్కరించారు. నటీనటుల పెర్ఫార్మెన్స్ ఎంత రిచ్‌గా ఉందో నిర్మాతగా రాంచరణ్ ప్రొడక్షన్ వ్యాల్యూస్ అంతే రిచ్‌గా ఉన్నాయి : సుధీర్ బాబు