సరిలేరు నీకెవ్వరూ.. ఇది ఆ కథేనా?

సూపర్ స్టార్ మహేష్ బాబు తో దర్శకుడు అనిల్ రావిపూడి తాజా చిత్రం సరిలేరు నీకెవ్వరూ. భారీ తారాగణంతో సినిమా తెరకెక్కబోతోంది. స్క్రిప్ట్ వర్క్ పూర్తయిన ఈ సినిమా త్వరలోనే సెట్స్ మీదకు వెళ్లనుంది. ఇప్పటికే ప్రధాన తారాగనఁ ఎంపిక పూర్తయింది. రష్మిక మందాన హీరోయిన్ గా ఇందులో నటించబోతోంది. ఇక విలన్ గా జగపతి బాబు కనిపించనున్నారు. ఒక ప్రత్యేకమైన పాత్రలో విజయశాంతి చేయనున్నారు. అన్నట్టు ఈ సినిమాలో మహేష్ బాబు ఆర్మ్ ఆఫీసర్ గా కనిపించనున్నారట.

ఇదిలా ఉండగా, ఈ సినిమా గురించి ఒక కొత్త విషయం ఇపుడు ఇండస్ట్రీ లో హల్ చల్ చేస్తోంది. నందమూరి బాలకృష్ణ అప్పట్లో తన వందవ సినిమా గురించి అనిల్ రావిపూడిని కథ సిద్ధం చేయమన్నారట. అపుడు ఓ కథని అనిల్ బాలయ్యకు వినిపించారట. దానిని విన్న బాలయ్య చాలా బాగుంది అని, సినిమా చేద్దామని చెప్పారు. అయితే, అనుకోకుండా బాలకృష్ణ తన నూరవ సినిమాగా గౌతమి పుత్ర శాతకర్ణి చేశారు. దాంతో అనిల్ కథ వెనక్కి వెళ్ళిపోయింది. ఇపుడు ఈ కథకే కొన్ని మార్పులు చేసి.. మహేష్ బాబుకు అనుకూలంగా మార్చి అనిల్ రావిపూడి సిద్ధం చేశారని టాక్. మరీదెంత వరకూ నిజమో అనిల్ చెప్పాల్సిందే!