పవన్ సినిమాలో సమంత? కానీ హీరోయిన్ గా కాదట.. మరి ఏంటి ?

పవన్ కళ్యాణ్ రీఎంట్రీ ఎప్పుడెప్పుడు ఉంటుందా అని ఫ్యాన్స్ చాలా ఎదురుచూస్తున్నారు. ఆంధ్రప్రదేశ్ ఎన్నికల అనంతరం పవన్ కళ్యాణ్ రీఎంట్రీపై రకరకాల వార్తలు అయితే వచ్చాయి కానీ అవి కేవలం వార్తలకి మాత్రమే మిగిలిపోయాయి. ఈ క్రమంలో బాలీవుడ్ సినిమా అయిన పింక్ సినిమాని పవన్ రీమేక్ చేయనున్నారని వార్తలు బలంగా వినిపించాయి. బాలీవుడ్ క్రిటిక్ తరుణ్ ఆదర్శ్ కూడా తన అధికార ట్విట్టర్ ద్వారా ఈ విషయాన్ని ప్రకటించాడు కూడా..

ఈ సినిమాని బాలీవుడ్ నిర్మాత బోని కపూర్ తో కలిసి, దిల్ రాజు ఈ సినిమాని నిర్మిస్తారని, దీనికి వేణు శ్రీరామ్ దర్శకత్వం వహిస్తారని చెప్పుకొచ్చాడు. కానీ ఏది ఎప్పుడు పట్టాలేక్కనుంది అన్నది తెలియదు. ప్రస్తుతం స్క్రిప్ట్ వర్క్ జరుగుతుందని సమాచారం. అయితే ఓ ముఖ్య పాత్ర కోసం చిత్ర యూనిట్ హీరోయిన్ సమంతని అనుకుంటున్నట్టుగా తెలుస్తుంది. హిందీ పింక్ లో ఆ పాత్రను తాప్సీ చేయగా తమిళ్‌లో, శ్రద్ధా శ్రీనాథ్ చేసింది. ఇప్పుడు ఆ పాత్రను తెలుగులో సమంత చేయనుందనీ టాక్ బలంగా వినిపిస్తుంది. కానీ దీనిపైన ఎలాంటి అధికార ప్రకటన లేదు.

పెళ్లి తర్వాత పాత్రకి ఎక్కువగా స్కోప్ ఉన్న రోల్స్ చేస్తుంది సమంత. సినిమాలో ఆ పాత్ర ముఖ్యం కావడంతో చిత్ర యూనిట్ సమంతని అప్రోచ్ అయ్యారని వినికిడి. గతంలో పవన్ కళ్యాణ్, సమంత కలిసి అత్తారింటికి దారేది సినిమాలో నటించారు. ఈ సినిమాకి త్రివిక్రమ్ శ్రీనివాస్ దర్శకత్వం వహించాడు. ప్రస్తుతం సమంత కోలీవుడ్‌ లో సూపర్‌ హిట్ అయిన 96కు రీమేక్‌గా తెరకెక్కుతున్న సినిమాలో శర్వానంద్‌కు జోడిగా నటిస్తోంది.