పునర్జన్మలతో కథ : ప్రభాస్ తో కాజల్ ?

సాహో సినిమా తర్వాత యంగ్ రెబల్ స్టార్ ప్రభాస్ హీరో గా 'జిల్' ఫేం కే. రాధాకృష్ణ దర్శకత్వంలో ఓ సినిమాని చేస్తున్న సంగతి తెలిసిందే.. సాహో సినిమాని నిర్మించిన యువీ క్రియేషన్స్ వారే ఈ సినిమాని కూడా భారీ బడ్జెట్ తో నిర్మిస్తున్నారు. ఇందులో ప్రభాస్ కి జోడిగా పూజా హేగ్దే నటిస్తుంది. పునర్జన్మల నేపధ్యంలో తెరకెక్కుతున్న ఈ సినిమాలో కాజల్ కూడా నటిస్తుందని తెలుస్తుంది. కొన్ని కీలక సన్నివేశాల్లో ప్రభాస్ తో కాజల్ కనిపిస్తుందని టాలీవుడ్ సర్కిల్ లో చర్చ నడుస్తుంది.

ప్రభాస్- కాజల్ ది ఇండస్ట్రీలో హిట్ పెయిర్.. ఇప్పటికే డార్లింగ్, మిస్టర్ పర్ఫెక్ట్ లాంటి చిత్రాలలో నటించి ఈ జోడి ఆకట్టుకుంది. ఇప్పుడు ఈ సినిమాతో ఈ జోడి ముచ్చటగా మూడో సారి జత కట్టనుంది అని వార్తలు వస్తున్నాయి. దీనిపైన అధికార ప్రకటన వెలువడాల్సి ఉంది. సాహో సినిమా తర్వాత ప్రభాస్ నుంచి వస్తున్న చిత్రం కావడంతో సినిమాపైన భారీ అంచనాలు ఉన్నాయి.